వైఎస్‌ జగన్ మోహ‌న్ రెడ్డి స‌త్తా పై.. త‌మిళ న‌టుడు సూర్య చెప్పిన మాట‌లు ఇవే..!

త‌మిళ స్టార్ హీరో సూర్యకి టాలీవుడ్‌ లోనూ మంచి గుర్తింపు ఉంది. దాదాపుగా సూర్య నటించే అన్ని చిత్రాలు తెలుగు తెలుగు తెర పై మెర‌వాల్సిందే. ఇక అస‌లు మ్యాట‌ర్ ఏంటంటే.. సూర్య గ‌తంలో భారతి సిమెంట్‌కు బ్రాండ్ అంబాసిడర్‌గా చేశారు. వైసీపీ అధినేత‌ జగన్‌తో వ్యక్తిగతంగానూ సూర్య‌కు మంచి రిలేష‌న్ ఉంది. అంతే కాంకుండా జగన్ ఫ్యామిలీకి.. సూర్య ఫ్యామిలీకి మధ్య చాలా కాలంగా స్నేహం ఉన్న సంగ‌తి చాలా మందికి తెలుసు. అయితే తాజాగా ఒక చాన‌ల్‌కు ఇంట‌ర్వ్యూ ఇచ్చిన సూర్య‌… జ‌గన్ పై వ్యాఖ్య‌లు చేశారు.

ప్ర‌స్తుతం ఏపీలో పాద‌యాత్ర చేస్తున్న జగన్‌కు బెస్ట్ విషెష్ చెప్పారు. జగన్ పాదయాత్ర విజయవంతం కావాలని తాను కోరుకుంటున్నానన్నారు. కాలేజీ డేస్‌ నుంచే జగన్‌ కుటుంబంతో తనకు పరిచయం ఉందన్నారు. ప్రజల కోసం ఏమైనా చేయాలన్న తపన జగన్‌లో కనిపిస్తుంటుందన్నారు. ప్ర‌జ‌ల త‌రుపున నిల‌బ‌డే స‌త్తా జ‌గ‌న్‌లో ఉంద‌ని అన్నారు. ఇక తాను చాలాసార్లు తాను జగన్‌ కలిశామని.. అయితే ఆ సమయంలో రాజకీయాలు మాత్రం మాట్లాడుకోబోమన్నారు. వైఎస్ రాజశేఖర్ రెడ్డి చనిపోయినప్పుడు తాను చాలా దిగ్బ్రాంతి చెందానన్నారు. జగన్‌ చాలా హార్డ్ వర్క్ చేస్తున్నారని.. జగన్‌ తన పాదయాత్రను విజయవంతంగా కొనసాగించాలని తాను ఆకాంక్షిస్తున్నానని సూర్య చెప్పారు.