Dharuvu No:1 Telugu Political web site in telugu states
టాలీవుడ్ న‌ట‌సింహం నందమూరి బాలకృష్ణ సినిమా అంటే తప్పుకుండా ఊహలకు అందని విన్యాశాలు వుంటాయి. జై సింహాలో కూడా అలాంటి విన్యాశం ఒకటి ఉంది. ఈ సినిమాలో బాలయ్య బొలెరో కారును ఒంటి చేత్తో పైకెత్తే సన్నివేశం ఒకటి హైలైట్‌గా నిలిచింది. ఈ సన్నివేశానికి సంబంధించిన వీడియోను విష్ణు చైతన్య అనే నెటిజన్‌ ప్రముఖ వ్యాపారవేత్త ఆనంద్‌ మహీంద్రాకు ట్విటర్‌లో పంపించారు.
మహీంద్ర సర్‌.. బాలకృష్ణ బొలెరో కారు ఎత్తుతున్న సన్నివేశం రెండు తెలుగు రాష్ట్రాల్లో వైరల్‌ అవుతోంది. మీరు కూడా ఈ సీన్ చూడాలి సర్‌ అని ట్వీట్‌ చేశాడు. ఈ సన్నివేశాన్ని చూసి మహీంద్ర కూడా షాక్ అయారు. దీనిపై ఆయన ట్విటర్‌లో స్పందిస్తూ.. హాహా.. బొలెరో కార్లను చెక్‌ చేయడానికి సర్వీస్‌ వర్క్‌షాపులు హైడ్రాలిక్‌ లిఫ్ట్‌లు వాడనక్కర్లేదని సరదాగా ట్వీట్‌ చేశారు. మొత్తంమ్మీద బాలయ్య కారును ఒంటి చేత్తో పైకెత్తే సీన్ గురించి సోష‌ల్ మీడియాలో పెద్ద చ‌ర్చే జ‌రుగుతోంది.
