రిటైర్ అయిపో.. ప్లీజ్‌!!

ప్ర‌జాసేవ చేసే నాయ‌కుల‌కు కూడా లేనంత క్రేజ్ సినీ స్టార్ల సొంతం. ఎంత‌లా అంటే .వారు ఏం చెప్పినా.. చేసినా.. ద‌న్నే అభిమానులు ఫాలో అయిపోయేంత‌లా అన్న‌మాట‌. మ‌రి అటువంటి అభిమానుల కోసం సినీ హీరోల నుంచి ఆశించిన మేర మంచి సినిమాలు రాక‌పోతే….? అప్ప‌టి వ‌ర‌కు ఎంత అభిమానం చూపారో.. అంత‌కు మించి అస‌హ‌నం వ్య‌క్తం చేయగ‌ల‌రు అభిమానులు. ఈ విషయం ఎన్నోమార్లు రుజువు అయింది కూడాను.

ఇప్పుడు అదే ప‌రిస్థితి ప‌వ‌ర్‌స్టార్ ప‌వ‌న్ క‌ల్యాణ్‌కు వ‌చ్చిందంటున్నారు సినీ విశ్లేష‌కులు. నాడు ప‌వ‌ర్ స్టార్ ప‌వ‌న్ క‌ల్యాణ్ సినిమాలు మానేస్తాన‌ని వెల్ల‌డించిన‌ప్పుడు ఫ్యాన్స్ ఎంత ఫీల‌య్యారో.. ఇప్పుడు ప‌వ‌న్ సినిమాలు చూసిన ఫ్యాన్స్ అంత‌కంటే ఎక్కువ ఫీల‌వుతున్నార‌ట‌. స‌ర్దార్‌గ‌బ్బ‌ర్ సింగ్‌, కాట‌మ‌రాయుడు, అజ్ఞాత‌వాసి ఇలా సినిమాల‌న్నీ బాక్సీఫీస్ వ‌ద్ద చ‌తికిల‌బ‌డ‌టంతో ప‌వ‌న్ ఫ్యాన్స్ విసిగిపోతున్నార‌ట‌. ప‌వ‌న్ క‌ల్యాణ్‌కు ప్రాణం ఇచ్చే ఫ్యాన్స్ సైతం .. ప‌వ‌న్ క‌ల్యాణ్ ఏ మాత్రం రెస్పాన్స్ తీసుకోకుండా, క‌నీసం న‌ట‌న‌పై ఆస‌క్తి క‌న‌బ‌ర్చ‌కుండా ప‌వ‌ర్ స్టార్ చేస్తోన్న సినిమాల‌తో విర‌క్తి చెందుతున్నార‌ట‌.

ఈ మాట‌ల‌న్నీ ఎవ‌రో అన్న‌వి కాదండి బాబోయ్‌.. ఏకంగా ప‌వ‌న్ ప్యాన్స్ అన్న‌వే. అయితే, ఇటీవ‌ల విడుద‌త‌లైన అజ్ఞాత‌వాసి మూవీకి సంబంధించి ఇప్పుడు సోష‌ల్ మీడియాలో పెద్ద చ‌ర్చ న‌డుస్తోన్న విష‌యం తెలిసిందే. అటు ఫేస్‌బుక్‌, ఇటు ట్విట్ట‌ర్ వేదిక‌గా ప‌వ‌ర్ ఫ్యాన్స్ వారి వారి ఆవేద‌న‌ను వెలిబుచ్చుతున్నారు. ఇప్ప‌టికే ప‌వ‌ర్‌స్టార్ ఆఖ‌రి చిత్రం అజ్ఞాత‌వాసి అన్న వార్త‌ టాలీవుడ్‌లో చ‌క్కుర్లు కొడుతున్న నేప‌థ్యంలో.. త‌మ హీరో రాజకీయాల్లోనైనా రాణించాలంటూ కోరుకుంటున్నారు ప‌వర్‌స్టార్ ప‌వ‌న్ క‌ల్యాణ్ అభిమానులు.