అక్క భర్తతో అక్రమ సంబంధం…గుంటూరు – కర్నూలు రోడ్డులో చెల్లి ఏం చేసింది

ఏపీలో నేరాలు వీపరీతంగా పెరుగుతున్నాయి. మరి ముఖ్యంగా నేరాల్లో అక్రమ సంబంధాలు ఎక్కువ..తాజాగా అక్రమ సంబంధం బయట పడకుండా భర్తను అడ్డు తొలగించుకుందామనే ఉద్దేశంతో అక్క భర్తతో కలిసి హత్య చేసిన కేసులో నిందితులను పోలీసులు అరెస్ట్‌ చేశారు. వారు చేప్పిన వివరాలు ఇలా ఉన్నాయి. ఫిరంగిపురం మండలం పొనుగుపాడుకు చెందిన నల్లబోతు వీరయ్య కుమారుడు నరేంద్ర (27) ఆంధ్రాషుగర్‌ ఫ్యాక్టరీలో సెక్యూరిటీ గార్డుగా విధులు నిర్వహిస్తున్నాడు. 2013లో అదే గ్రామానికి చెందిన మేనమామ కుమార్తె శ్రీవిద్యతో
పెళ్లి అయింది. శ్రీవిద్యకు పెళ్లికి ముందుగానే అక్క భర్త అయిన ప్రకాశం జిల్లా కురిచేడు మండలం ఆవులమంద గ్రామానికి చెందిన గొట్టిపాటి వీరయ్య చౌదరి అలియాస్‌ వాసు, వీరాంజనేయులకు అక్రమ సంబంధం ఉంది.

పెళ్లి తరువాత శ్రీవిద్య అక్రమ సంబంధం కలిగి ఉన్న అక్క భర్త అయిన వీరయ్య చౌదరితో మాట్లాడుకోవటానికి, కలుసుకునేందుకు ఆటంకంగా మారింది. శ్రీవిద్య తన భర్తను అడ్డుతొలగించుకునేందుకు అక్క భర్త అయిన వీరయ్య చౌదరి, ప్రకాశం జిల్లా మార్టూరు మండలం వలపర్ల గ్రామానికి చెందిన గుంజి బాలరాజు, ఈపూరు మండలం ముప్పాళ్ళ గ్రామానికి చెందిన పూజల చౌడయ్యలతో కలిసి ముందస్తుగా పథకం సిద్ధం చేశారన్నారు. గత డిసెంబర్‌ 19న కారులో శ్రీవిద్య భర్త అయిన నరేంద్రతో పాటు నిందుతులతో కలిసి ప్రయాణించారన్నారు. గుంటూరు – కర్నూలు రోడ్డులోని కొత్తపాలెం దాటిన అనంతరం మార్కాపురం రోడ్డులో సైనేడ్‌ కలిపిన మద్యం తాగించారన్నారు. మరణించిన అనంతరం మృతదేహాన్ని నాదెండ్ల మండలంలోని సాతులూరు గ్రామ పరిధిలోని పొనుగుపాడు కాలువ గట్టుపై పడేసి వెళ్లారన్నారు.
అయితే హత్య జరిగిన ప్రదేశంలో రూరల్‌ సీఐ పరిశీలించి సంఘటనా స్థలంలో మృతుడికి చెందిన ఒకటే చెప్పు ఉండటంతో పాటు ప్యాంటు జేబులో ద్విచక్ర వాహనం తాళం ఉన్నా సమీపంలో బండి కనిపించకపోవటంతో అనుమానాస్పద మృతిని, హత్యగా భావించి ప్రత్యేకంగా దర్యాప్తు చేశారు. పూర్తిస్థాయిలో విచారణ నిర్వహించి భర్తను భార్య ఆధ్వర్యంలోనే హత్య చేయించినట్లు నిర్ధారించారు.