విద్యుత్ పంపిణీ విభాగంలో తెలంగాణకు పురస్కారం…

ప్రస్తుతం విద్యుత్ రంగంలో కొత్త పుంతలు తొక్కుతున్న తెలంగాణకు జాతీయ స్థాయి పురస్కారం లభించింది. తెలంగాణ రాష్ట్ర వ్యాప్తంగా నిరంతర విద్యుత్ ప్రారంభమై ఇవాళ మూడో రోజు పూర్తి చేసుకుంటున్న సంగతి తెలిసిందే. అయితే రాష్ట్ర ప్రభుత్వం ప్రతిష్ఠాత్మకంగా ప్రవేశపెట్టిన 24 గంటల విద్యుత్ దేశానికే ఆదర్శంగా నిలిచింది.

అందుకే… విద్యుత్ పంపిణీలో విశేషంగా కృషి చేసినందుకు తెలంగాణకు అవార్డు దక్కింది.విద్యుత్ పంపిణీలో విశేషంగా కృషి చేసినందుకు ఔట్ స్టాండింగ్ కాంట్రిబ్యూషన్ ఇన్ పవర్ ట్రాన్స్ మిషన్ విభాగంలో అవార్డ్ దక్కింది.

ఢిల్లీలో జరిగిన సెంట్రల్ బోర్డ్ ఆఫ్ ఇరిగేషన్ అండ్ పవర్(సిబిఐపి) 90 వసంతాల ఉత్సవాల్లో తెలంగాణ జెన్ కో, ట్రాన్స్ కో సీఎండీ డి.ప్రభాకర్ రావు ఈ పురస్కారం అందుకున్నారు. ఈ సందర్భంగా దేశ వ్యాప్తంగా ఇరిగేషన్, విద్యుత్ రంగాల్లో విశేష సేవలందించిన వారికి అవార్డులు ప్రదానం చేశారు.