త్వరలో క్రిస్ట్రియన్ భవన్..మంత్రి తలసాని

తెలంగాణలో క్రిస్టియన్ భవన్‌ త్వరలోనే పూర్తి చేస్తామని మంత్రి తలసాని శ్రీనివాస్ యాదవ్ అన్నారు. సికింద్రాబాద్‌ చర్చిలో జరిగిన క్రిస్మస్‌ వేడుకల్లో తలసాని పాల్గొన్నారు. ప్రత్యేక ప్రార్థనల్లో పాల్గొన్న తలసాని.. క్రైస్తవులకు క్రిస్మస్‌ శుభాకాంక్షలు తెలిపారు. కులాలు, మతాలకు అతీతంగా.. అందరూ సుఖసంతోషాలతో ఉండాలని..ప్రతి పండుగకు ప్రభుత్వం గిఫ్ట్‌లు పంచుతోందని గుర్తు చేశారు.

కాగా, ప్రపంచ ప్రఖ్యాతిగాంచిన మెదక్ కథడ్రల్ చర్చిలో ఇవాళ తెల్లవారుజాము నుంచే క్రిస్మస్ వేడుకలు ప్రారంభమయ్యాయి. క్రిస్మస్ వేడుకల కోసం మెదక్ చర్చికి క్రిస్టియన్లు తరలివస్తున్నారు. క్రిస్మస్ వేడుకలకు బిషఫ్ సల్మాన్ రాజ్ హాజరయ్యారు. ఈ సందర్భంగా సల్మాన్ రాజ్ క్రిస్టియన్లకు దేవుడి సందేశాన్ని వినిపించారు.