చెప్పుతో కొట్టినా.. సిగ్గురాలేదుగా..!!

యాంక‌ర్ క‌మ్ యాక్ట‌ర్‌గా .. వెండితెర‌, బుల్లితెర అనే సంబంధం లేకుండా త‌న హాట్ హాట్ అందాల‌తో రాణిస్తోంది అన‌సూయ‌. ఇప్ప‌టికే త‌న అందాల ఆర‌బోత‌తో యూత్‌లో పిచ్చ క్రేజ్ సంపాదించుకున్న ఈ భామ త‌న అభిమానుల‌కు మ‌రింత ద‌గ్గ‌రయ్యేందుకు యాంక‌రింగ్‌కే ప‌రిమితం కాకుండా తాను చేసే షోల‌లో పాటిస్పెంట్స్‌లో భాగ‌మై అల‌రిస్తోంది. జ‌బ‌ర్ద‌స్త్ ప్రారంభంలో యాంక‌ర్‌గా అడుగుపెట్టిన ఈ భామ మొద‌ట్లో కాంట్ర‌వ‌ర్సీల‌కు కాస్త దూరంగానే ఉన్నా ..ఛానెల్స్‌ రేటింగ్‌లో దూసుకుపోవాలంటే ఇటువంటి వ‌ల్గ‌ర్ మాట‌లు కామ‌నే అని గ్ర‌హించిందో లేక‌.. క్రేజ్ తెస్తుంద‌ని అనుకున్న‌దో తెలీదుకాని.. మ‌ళ్లీ జ‌బ‌ర్ద‌స్త్‌లోకి ఎంట్రీ ఇచ్చింది అన‌సూయ‌.

మ‌రో వైపు హైప‌ర్ ఆది. అతి త‌క్కువ కాలంలోనే ఫేం కొట్టేసిన హైప‌ర్ ఆది.. వేసే పంచ్‌లు రోజు రోజుకీ దిగ‌జారి పోతున్నాయి.. ఇటీవ‌ల ప్ర‌ముఖ తెలుగు సినిమా క్రిటిక్ మ‌హేష్ క‌త్తిని టార్గెట్ చేస్తూ.. త‌న స్కిట్‌ల‌లో అత‌ని పోట్ట బ‌ట్ట పై పంచ్‌లు వేసిన సంగ‌తి తెలిసిందే. దీంతో లైవ్ డిబేట్‌లో మ‌హేష్ క‌త్తి అడిగే ప్ర‌శ్న‌ల‌కి స‌మాధానాలు చెప్ప‌లేక గుడ్లు తేలేశాడు. ఇక ఆ త‌ర్వాత అనాథ‌ల పై పంచ్‌లు వేయంతో ఏకంగా ఆ వ్య‌వ‌హారం పోలీస్ స్టేష‌న్‌కే వెళ్ళింది. ఇలా వ‌రుస‌గా ఆది త‌న పంచ్‌ల‌తో బుల్లితెర‌ను మొత్తం బూతు తెర‌గా మారుస్తున్నాడు.

అయితే, ఇటీవ‌ల బుల్లితెర‌పై ప్ర‌సార‌మైన జ‌బ‌ర్ద‌స్త్ ప్రోగ్రామ్‌లో హైప‌ర్ ఆది వేసిన స్కిట్‌పై అన‌సూయ ఫైర్ అయింది. అంత‌టితో ఆగ‌క హైప‌ర్ ఆదిపై చెప్పును కూడా విసిరింది. అయితే, ఇదంతా స్కిట్‌లో భాగం కావ‌డం విశేషం. గుడిముందు ఉంచిన చెప్పుల‌ను కాదురా..? ఏకంగా వేసుకున్న చెప్పుల‌నే కొట్టేయ‌డం గొప్ప అని, కావాలంటే.. అన‌సూయ వేసుకున్న చెప్పుల‌ను ఎలా కొట్టేస్తానో చూడూ….! అంటూ అన‌సూయ వైపు చూస్తూ.. ఫిగ‌ర్ క‌త్తిలా ఉంది క‌ద‌రా..? అన్న హైప‌ర్ ఆది మాట‌ల‌కు సీరియ‌స్ అయిన అన‌సూయ.. ఆ వెంట‌నే త‌న చెప్పును హైప‌ర్ ఆదిపైకి విసిరింది. చూశావురా..! అన‌సూయ వేసుకున్న చెప్పుల‌ను ఎలా కొట్టేశానో అంటూ హైప‌ర్ ఆది అన్న మాట‌ల‌కు న‌వ్వుకోవ‌డం జ‌బ‌ర్ద‌స్త్ జ‌డ్జీలు నాగబాబు, రోజాల వంతైంది. ఈ స్కిట్ చూసిన బుల్లితెర అభిమానులు.. అన‌సూయ చెప్పుతో కొట్టినా..హైప‌ర్ ఆదికి సిగ్గురాలేదంటూ సోష‌ల్ మీడియాలో కామెంట్లు పెడుతున్నారు.