”రోజా ఎఫెక్ట్‌.. ప‌వ‌న్ షాక్‌.. బండ్ల గ‌ణేష్ గైర్హాజ‌రు”

ప‌వ‌ర్ స్టార్‌, జ‌న‌సేన అధినేత ప‌వ‌న్ క‌ల్యాణ్ త‌న 25వ సినిమా అజ్ఞాత‌వాసి ఆడియో వేడుక‌ను ఈ నెల 19వ తేదీన హైద‌రాబాద్‌లో ఘ‌నంగా నిర్వ‌హించిన విష‌యం తెలిసిందే. అయితే, ప‌వ‌న్ క‌ల్యాణ్‌కు సంబంధించి ఎటువంటి కార్య‌క్ర‌మం జ‌రిగినా.. ఆ కార్య‌క్ర‌మంలో హ‌డావుడి చేసే వారిలో నిర్మాత బండ్ల గ‌ణేష్ ముందు వ‌రుస‌లో ఉంటార‌న‌డంలో ఎంటువంటి సందేహం లేదు. అటువంటిది బండ్ల గ‌ణేష్ అజ్ఞాత‌వాసి ఆడియో ఫంక్ష‌న్‌కు హాజ‌రుకాక‌పోవ‌డం చ‌ర్చ‌కు దారితీసింది. ప‌వ‌న్‌కు, బండ్ల‌గ‌ణేష్‌కు చెడిందా..? లేక బండ్ల‌గ‌ణేష్ సినిమాను ప‌వ‌న్ క‌ల్యాణ్ చేయ‌న‌న్నాడా..? లేక మ‌రేమైనానా..? అంటూ చ‌ర్చించుకోవ‌డం సినీ జ‌నాల వంతైంది.

గ‌త నెల రోజులుగా బండ్ల గ‌ణేష్‌కు, రోజాకు మ‌ధ్య చిన్న గొడ‌వ‌గా మొద‌లై వివాదం రాజేసిన‌ విష‌యం తెలిసిందే. ఈ నేప‌థ్యంలో ఒక‌వేళ బండ్ల‌గ‌ణేష్‌ను గ‌నుక పిలిస్తే తాను అదే ఇష్యూపై స్టేజ్‌పై లేవ‌నెత్తుతాడేమో అఅనిఅజ్ఞాత‌వాసి టీమ్ భ‌య‌ప‌డిందంట‌. దీంతో ఆడియో ఫంక్ష‌న్ కాస్తా డైవ‌ర్ట్ అయి రోజా వ‌ర్సెస్ బండ్ల గ‌ణేష్ అవుతుంద‌ని, అస‌లే ఇంత‌కు ముందు ప‌వ‌న్ క‌ల్యాణ్ చిత్రాల‌కు సంబంధించి జ‌రిగిన ప‌లు కార్య‌క్ర‌మాల్లో పాల్గొన్న బండ్ల గ‌ణేష్ ప‌లుమార్లు నోరుజారిన విష‌యం విధిత‌మే.

ఈ క్ర‌మంలోనే బండ్ల గ‌ణేష్‌ను ఆడియో ఫంక్ష‌న్‌కు పిల‌వ‌లేద‌ట అజ్ఞాత‌వాసి టీమ్‌. ఒక‌వేళ బండ్ల‌గ‌ణేష్‌ను పొర‌పాటున పిలిస్తే ఎక్క‌డ రోజా గురించి మాట్లాడుతాడోన‌ని భ‌య‌ప‌డిన ప‌వ‌న్ క‌ల్యాణ్ యూనిట్ బండ్ల గ‌ణేష్‌ను ఫంక్ష‌న్‌కు ఆమ‌డ దూరం ఉంచాడ‌ట‌.