సవతి తల్లి వద్ద పెరుగుతున్న కొడుకు కన్న తల్లినే..ఛీఛీ దారుణం

ఆస్తి కొసం ఏమైన చేయ్యడానికి కొంత మంది దుర్మర్గులు పాటుపడుతుంటారు. మరోప్క చంపాడనికైన సిద్దంగా ఉంటారు. ఇలాంటి ఘటన బెంగళూరులో జరిగింది. సవతి తల్లి వద్ద పెరుగుతున్న కొడుకు కన్న తల్లినే అతి కిరాతకంగా చంపేశాడు. అమ్మను లారీతో తొక్కించి హత్యచేశాడు. ఈ విషాదకర ఘటన బెంగళూరు శివారు విశ్వనాథపుర పోలీస్ స్టేషన్ పరిధిలోని కెంపమ్మతిమ్మనహళ్లి గ్రామంలో చోటుచేసుకుంది. నిందితుడిపై కేసు నమోదుచేసిన విశ్వనాథపుర పోలీసులు అతని కోసం గాలిస్తున్నారు. వారు వెల్లడించిన వివరాలు ఇలా ఉన్నాయి..

యశ్వంతపురలో నివాసముంటున్న జయశ్రీ(45) వితంతువు. ఆమె భర్త రెండు పెళ్లిళ్లు చేసుకున్నారు. 15 ఏళ్ల క్రితం తన ఇద్దరి పిల్లలను సవతి తల్లి వద్ద విడిచిపెట్టిన జయశ్రీ.. ఇంట్లో నుంచి వచ్చేసి ఒంటరిగా బతుకుతోంది. ఆమెకు విపరీతమైన దైవభక్తి. తనపై దేవుడు పూనతాడని కుటుంబంతో కలిసి తాను జీవించలేనని వేరుగా వచ్చేసింది. అయితే సోమవారం తన భర్తకు చెందిన భూమి వద్దకు వచ్చిన జయశ్రీ.. ఇక్కడ గుడి కట్టిస్తున్నాని పూజలు చేయడం మొదలుపెట్టింది. దీంతో భర్త రెండో భార్య, పిల్లలు ఆమెతో గొడవకు దిగారు. అయినప్పటికీ ఆమె అక్కడి నుంచి వెళ్లకపోవడంతో తీవ్ర ఆగ్రహానికి గరైన కొడుకు అరుణ్(22) లారీతో ఆమెను తొక్కించి చంపేశాడు. అనంతరం అక్కడి నుంచి లారీతో పరారయ్యాడు.సమాచారం అందుకున్న పోలీసులు సంఘటనా స్థలానికి చేరుకుని మృతదేహాన్ని స్వాధీనం చేసుకున్నారు. అరుణ్‌పై ఐపీసీ సెక్షన్ 302 కింద కేసు నమోదు చేసి..దర్యాప్తు చేస్తున్నారు.