ఇందులో నూటికి నూరు శాతం నిజాలనే చూపిస్తా…!

వివాదాస్పద దర్శకుడు రామ్ గోపాల్ వర్మ తాజా కడప పేరుతో వెబ్ సీరీస్ ను ప్రకటించిన సంగతి తెలిసిందే .ఈ వెబ్‌ సిరీస్‌ ‘కడప- రాయలసీమ రెడ్ల చరిత్ర’. వర్మ తీస్తున్న తొలి అంతర్జాతీయ తెలుగు వెబ్‌ సిరీస్‌ ఇది. ఇటీవల ఈ చిత్ర ట్రైలర్‌తో కడపలో జరిగే ఘోరాలను కళ్లకు కట్టినట్లు చూపించిన వర్మఇప్పుడు సినిమా టైటిల్‌ సాంగ్‌ను విడుదల చేశారు.
‘అది కడపా.. యమ ద్వారపు గడపా..’ అంటూ సాగే ఈ పాటలో ట్రైలర్‌లో చూపించిన హత్యలను మరోసారి చూపించారు. ఈ సిరీస్‌ గురించి వర్మ ఫేస్‌బుక్‌ ద్వారా వెల్లడిస్తూ ఇందులో నూటికి నూరు శాతం నిజాలనే చూపిస్తానని వర్మ వెల్లడించారు. వర్మ ఆస్థాన రచయిత సిరాశ్రీ సాహిత్యమందించిన ఈ పాటకు రవిశంకర్ సంగీతమివ్వగా.. నవరాజ్ హన్స్ ఆలపించాడు. అంతా కొత్తవారితో తెరకెక్కిస్తున్న ఈ సీరీస్ ను ఎన్ అండ్ ఎన్ క్రియేషన్స్, ఏ కంపెనీ ప్రొడక్షన్స్ బ్యానర్లు సంయుక్తంగా నిర్మిస్తున్నాయి.