బుల్లితెర మెగా షో… జబర్ధ‌స్త్ నుండి నాగబాబు అవుట్‌..?

తెలుగు బుల్లితెర హాట్ కామెడీ పాపులర్ షో జబర్ధ‌స్త్‌కి మెగాబ్ర‌ద‌ర్‌ నాగబాబుకు సంబందించిన ఒక వార్త ఇప్పుడు సోష‌ల్ మీడియ‌లో హాట్ టాపిక్ అయ్యింది. అస‌లు విష‌యం ఏంటంటే.. ఇటీవ‌ల ఓ తెలుగు ప్ర‌ముఖ చాన‌ల్ వార‌స‌త్వ రాజ‌కీయాల పై చ‌ర్చపెట్ట‌గా.. వైసీపీ ఎమ్మెల్యే రోజా.. ప‌వ‌న్ క‌ళ్యాణ్ భ‌క్తుడు బండ్ల గ‌ణేష్ మ‌ధ్య ర‌గ‌డ జ‌రిగిన సంగ‌తి తెలిసిందే. ఇక ఆ షోలో బండ్ల గ‌ణేష్ హ‌ద్ద‌లు దాటినా.. రోజా కూడా ప‌వ‌న్ పై వ్యాఖ్య‌లు చేసిన సంగ‌తి తెలిసిందే. దీంతో పవ‌న్‌ పై రోజా చేసిన వ్యాఖ్య‌ల పై పీకే అభిమానులు తీవ్రంగా హ‌ర్ట్ అయ్యార‌ని స‌మాచారం.

దీంతో ఆ ర‌చ్చ అటొచ్చి ఇటొచ్చి జబర్దస్తు షోలో జ‌డ్జీగా ఉన్న‌ నాగబాబు మెడ‌కు చుట్టుకుంది. జ‌బ‌ర్ధ‌స్త్ షోకి రోజాతో పాటు నాగ‌బాబు కూడా జ‌డ్జీలుగా చేస్తున్న సంగ‌తి తెలిసిందే. దీంతో రోజాతో కలిసి ఆ కార్యక్రమం చేయడానికి ఒప్పుకోమని.. ఉంటే రోజా అన్న ఉండాలి.. లేదా నాగ‌బాబు ఉండాలి.. ఇద్ద‌రు మాత్రం క‌లిసి చేస్తే ఒప్పుకోమ‌ని పీక ఫ్యాన్స్ సోష‌ల్ మీడ‌యాలో క్యాంపైన్ చేస్తున్నారు. దీంతో ఈ మెగా బ్ర‌ద‌ర్‌కి ఆ విష‌యం పెద్ద‌ తలపోటుగా మారింది. వాస్తవానికి వెండితెర పై క్యారెక్టర్ నటుడిగా కంటే నాగబాబుకు జబర్ధ‌స్త్ విప‌రీత‌మైన పేరు తెచ్చి పెట్టింది. టీఆర్పీలో టాప్‌లో ఉన్న ఆ షో చేయకపోతే మంచి గుర్తింపు ఇచ్చిన కార్యక్రమం వదులుకున్నట్లు అవుతుంది… రోజాతో వేదిక పంచుకుంటే పవన్ అభిమానులతో తంటా వ‌చ్చిప‌డింది.., దీంతో నాగ‌బాబు ఎటూ తేల్చుకోలేక పోతున్నార‌ని సినీ వ‌ర్గీయుల్లో చ‌ర్చించుకుంటున్నారు.