సీఎం కేసీఆర్ ను పొగడ్తలతో ముంచెత్తిన కాంగ్రెస్ మాజీ మంత్రి..

తెలంగాణ రాష్ట్ర ముఖ్యమంత్రి ,అధికార టీఆర్ఎస్ పార్టీ అధినేత కేసీఆర్ పై రాష్ట్ర కాంగ్రెస్ పార్టీకి చెందిన మాజీ మంత్రి పొగడ్తల వర్షం కురిపించారు .రాష్ట్రంలో శుక్రవారం 15 నుండి పంతొమ్మిదో తేది వరకు హైదరాబాద్ మహానగరంలో ఎల్బీ స్టేడియంలో ప్రపంచ తెలుగు మహాసభలు జరగనున్న సంగతి తెల్సిందే .

అందులో భాగంగా శుక్రవారం సాయంత్రం ఐదు గంటలకు ప్రపంచ తెలుగు మహాసభల ప్రారంభోత్సవం ఎంతో ఘనంగా జరిగాయి .ఈ ప్రారంభోత్సవ వేడుకలకు ఉపరాష్ట్రపతి ఎం వెంకయ్య నాయుడు ,మహారాష్ట్ర గవర్నర్ సీహెచ్ విద్యాసాగర్ రావు ,తెలంగాణ రాష్ట్ర గవర్నర్ ఈఎస్ఎల్ నరసింహన్ హాజరయ్యారు .

ప్రస్తుతం టీఆర్ఎస్ సర్కారు నిర్వహిస్తున్న ప్రపంచ తెలుగు మహాసభల వేడుకల గురించి కాంగ్రెస్ పార్టీ సీనియర్ మాజీ మంత్రి జానారెడ్డి మాట్లాడుతూ ముఖ్యమంత్రి కేసీఆర్ తెలుగు మహాసభలను నిర్వహించడం చాలా ఆనందంగా ఉంది .తెలుగు ఖ్యాతిని ముఖ్యమంత్రి ప్రపంచానికి చాటి చెప్పారు .ముఖ్యమంత్రి కేసీఆర్ తెలుగు భాష అభివృద్ధికి చేస్తున్న కృషిని ఈ సందర్భంగా అభినందిస్తున్నాను .ఇదే విధంగా రాష్ట్రాన్ని అన్ని రంగాల్లో సీఎం నెంబర్ వన్ స్థానంలో ఉంచే విధంగా పని చేయాలనీ కోరుతున్నాను అని ఆయన అన్నారు .