తెలుగు ప్రేక్ష‌కుల‌ను ఫిదా చేసిన సాయి ప‌ల్ల‌వి గురించి.. ప్ర‌త్యేక క‌థ‌నం..!

మ‌ళ‌యాళంలో విడుద‌ల అయిన ప్రేమ‌మ్ చిత్రంలో మ‌ల‌ర్‌గా యావ‌త్ సినీ ప్రేక్ష‌కులు.. ముఖ్యంగా కుర్ర‌కారు హార్ట్‌బీట్‌ని ట‌చ్ చేసిన సాయి ప‌ల్ల‌వి.. టాలీవుడ్‌లో అడుగు పెడుతూనే తెలుగు ప్రేక్ష‌కుల‌ని ఫిదా చేసింది. తెలుగు ప్రేక్ష‌కుల గుండెల్లో భానుమ‌తి చేసిన ర‌చ్చ అంతా ఇంతా కాదు. ఇప్పుడు తాజాగా మ‌రోసారి టాలీవుడ్ న్యాచుర‌ల్ స్టార్ నానితో ఎంసీఏ చిత్రంలో జ‌త‌క‌ట్టి మ‌రోసారి తెలుగు ప్రేక్ష‌కుల‌ను అల‌రించ‌నుంది. ముఖం పై మొటిమ‌ల‌తో.. ప‌క్కాలోక‌ల్ అమ్మాయి అనేలా అనిపించే.. బేస్ వాయిస్‌తో తెలుగు అమ్మాయిల‌కు బ్రాండ్ అంబాసిడ‌ర్‌గా మారిన సాయి ప‌ల్ల‌వి గురించి  అందిస్తున్న ప్ర‌త్యేక క‌థ‌నం..!

ఇక సాయి ప‌ల్ల‌వి గురించి చెప్పుకోవాలంటే.. తమిళనాడు కోటగిరి ప్రాంతంలో పుట్టిన సాయి ప‌ల్ల‌వి.. పెరిగింది మాత్రం కోయంబత్తూరులో.. చాల మంది డాక్టర్ కాబోయి యాక్టర్ అవుతారని విన్నారు క‌దా.., మ‌న భానుమ‌తి కూడా అంద‌రిని ఫిదా చేయ‌డాని డాక్టర్ కాబోయి యాక్ట‌ర్ అయ్యింది. న‌టి కాక ముందు ఎంబీబీఎస్ పూర్తి చేసిన సాయి.. ఎప్ప‌టికైనా కార్డియాలజిస్ట్ కావాలన్నదే తను ల‌క్ష్యంగా పెట్టుకుంది. అందుకోస‌మే చాలా మంది బాడా స్టార్ల‌తో క్రేజీ ప్రాజెక్టుల‌ను కూడా వ‌దులుకుంద‌ట‌. ఇక సినిమాల్లో ఫేమ్ కాక ముందే.. డ్యాన్స‌ర్‌గా మంచి గుర్తింపు పొందింది సాయి ప‌ల్ల‌వి. తెలుగు బుల్లితెర పై బాగా పాపుల‌ర్ అయిన ఢీ షోలో ప‌ల్ల‌వి చేసిన డ్యాన్స్ వీడియోస్ ఇప్పటికీ యూట్యూబ్‌లో బాగా పాపుల‌ర్‌. ఇక ఆ షోలో సాయి డ్యాన్స్ చూసిన స‌మంతా త‌ను హీరోయిన్ అవుతాద‌ని అప్పుడే చెప్పింద‌ట‌.

అస‌లు సాయి ప‌ల్ల‌వి డ్యాన్స్ గురువులు ఎవ‌రంటే.. ప్ర‌ముఖ బాలీవ‌డ్ హీరోయిన్స్ ఐశ్వ‌ర్య‌రాయ్‌, మాధురీ దీక్షిత్‌లు.. టీవీల్లో వారి డ్యాన్స్ చూస్తూనే ప‌ల్ల‌వి డ్యాన్స్ నేర్చుకుంద‌ట‌. ఇంకో ముఖ్య‌మైన చాలా మందికి తెలియ‌న‌ విష‌యం ఏంటంటే.. సాయి పల్లవి మొద‌టి సినిమా ప్రేమ‌మ్ కాదు.. త‌ను థూమ్ థామ్ అనే చిత్రంలో కంగ‌నాతో పాటు కో స్టార్‌గా చేసింది. ఇక గ‌తంతో సాయి పల్లవి యాడ్స్ కూడా చేసేదట అప్పుడే ప్రేమం డైరెక్టర్ ఆల్ఫోన్స్ పుత‌ర‌న్‌ ప‌ల్ల‌విని యాడ్స్ మానేయ‌మ‌ని చెప్పాడ‌ట‌. త‌న అప్పుట్లో మొటిమ‌ల‌తో బాధ‌ప‌డుతుంటే.. ఆల్ఫోన్స్ ధైర్యం చెప్పిమ‌రీ.. అత‌నే హీరోయిన్‌గా ఛాన్స్ ఇచ్చి బ్లాక్ బ‌స్ట‌ర్ హిట్‌కూడా ఇచ్చాడు. ఇంకో ఫ‌న్నీ విష‌యం ఏంటంటే.. డైరెక్ట‌ర్ ఆల్ఫోన్స్ ప‌ల్ల‌వి డేట్స్ కోసం ఫోన్ చేస్తుంటే.. ఎవ‌రో త‌న‌కి ప్ర‌పోజ్ చేయ‌డాని కాల్ చేస్తున్నార‌ని ఫోన్ లిఫ్ట్ కూడా చేయ‌లేద‌ట‌.. అయినా ఎలాగోలా ఈ అల్ల‌రి పిల్ల‌ను ప‌ట్టుకొని మొత్తానికి సినిమా తీశాడ‌ట‌. దీంతో అక్క‌డ మ‌ళ‌యాలి హృద‌యాల‌ను కొల్ల‌గొట్టిన ప‌ల్ల‌వి.. భానుమ‌తిగా ఇక్క‌డ తెలుగు రాష్ట్రాల ప్రేక్ష‌కులను ఫిదా చేసిన సాయి ప‌ల్ల‌వి.. ప్ర‌తి అమ్మాయికీ ఒక రోల్ మోడ‌ల్‌గా నిలుస్తోందని వేరే చెప్ప‌న‌క్క‌ర్లేదు. సో ఇదండీ మ‌న సాయి ప‌ల్ల‌వి గురించి ప్ర‌త్యేక క‌థ‌నం..!