టాలీవుడ్‌లో మ‌రో క్రేజీ ప్రాజెక్ట్‌.. హిట్ ప‌క్కా.!!

అవును, మీరు చ‌దివింది నిజ‌మే. టాలీవుడ్‌లో మ‌రో క్రేజీ ప్రాజెక్ట్ త్వ‌ర‌లో ప‌ట్టాలెక్క‌నుంది. ఇంత‌కీ ఆ క్రేజీ ప్రాజెక్ట్ ఏమిట‌నేగా మీ సందేహం. ఇటీవ‌ల కాలంలో హిట్ ట్రాక్ ఎక్కిన వెంక‌టేష్‌, ప్ర‌ముఖ ద‌ర్శ‌కుడు, మాట‌ల మాంత్రికుడు త్రివిక్ర‌మ్ కాంబోనే. అయితే, ఇప్ప‌టికే ఈ క్రేజీ కాంబోను ప‌ట్టాలెక్కించే ప‌నిలో ప‌డింది హారిక హాసిని క్రియేష‌న్స్ అధినేత రాథాకృష్ణ‌.

ఈ విష‌యాన్ని రేపు వెంకీ పుట్టిన రోజు సంద‌ర్బంగా అధికారికంగా ప్ర‌క‌టించ‌నుంది హారిక హాసిని క్రియేష‌న్స్‌. అంతేగాక‌, గ‌తంలో త్రివిక్ర‌మ్ మాట‌ల ర‌చ‌యిత‌గా, వెంకీ హీరోగా తెర‌కెక్కిన నువ్వునాకు న‌చ్చావు, మ‌ల్లీశ్వ‌రి వంటి చిత్రాలు వీరికి గొప్ప పేరునే తెచ్చిపెట్టాయి. ఈ విష‌యం కాస్తా తెలిసిన సినీ అభిమానులు బాబోయ్ వెంక‌టేష్‌, త్రివిక్ర‌మ్ కాంబోనా.. అయితే హిట్ ప‌క్కా అంటూ చ‌ర్చ‌లు మొద‌లెట్టేశారు.