2019 ఎన్నిక‌ల్లో ప‌వ‌న్‌కు పోటీగా క‌త్తి మ‌హేష్‌..??

మ‌హేష్ క‌త్తి. ప్ర‌స్తుతం సినీజ‌నాల‌కు ప‌రిచ‌యం అక్క‌ర్లేని పేరు. ప‌వ‌ర్ స్టార్ ప‌వ‌న్ క‌ల్యాణ్ ఫ్యాన్స్‌కు అయితే మ‌రీను. అయితే, ప‌వ‌ర్‌స్టార్‌పై క‌త్తి మ‌హేష్ వివాదస్ప‌ద వ్యాఖ్య‌లు పీక్ స్టేజ్‌కు వెళ్లిపోవ‌డంతో ఆగ్ర‌హానికి గురైన ప‌వ‌న్ క‌ల్యాణ్ ఫ్యాన్స్ సోష‌ల్ మీడియా వేదిక‌గా క‌త్తి మ‌హేష్‌పై దాడికి దిగారు. మ‌రికొంద‌రైతే ..బ‌య‌ట ఎక్క‌డ క‌న‌ప‌డినా కొడ‌తామంటూ క‌త్తి మ‌హేష్‌కు ఫేస్‌బుక్ లైవ్ లైవ్‌లో బెదిరించారు కూడాను. ఏదేమైనా ఇటీవ‌ల కాలంలో సెబ‌బ్రిటీ స్టేట‌స్‌ను బాగానే పెంచుకున్నాడు క‌త్తి మ‌హేష్‌. ఇంకా కుప్తంగా చెప్పాలంటే సుమారు రూ.50 ల‌క్ష‌ల రూపాయ‌ల విలువైన ప‌బ్లిసిటీ క‌త్తి మ‌హేష్ సొంత‌మైంద‌ని ఆయ‌న స‌న్నిహితులు చెబుతున్నారు.

కాగా, ప‌వ‌న్ క‌ల్యాణ్‌ 2019 ఎన్నిక‌ల్లో అనంత‌పురం జిల్లా అనంత‌పురం అర్బ‌న్ లేదా క‌దిరి, గుంత‌క‌ల్లు స్థానాల్లో ఏదో ఒక అసెంబ్లీ స్థానానికి పోటీ చేయ‌నున్న విష‌యం తెలిసిందే. ఈ మేర‌కు ప‌వ‌న్ క‌ల్యాణ్ ప్ర‌క‌ట‌న చేసిన విష‌యం తెలిసిందే. అయితే, ఇంట‌ర్న‌ల్‌గా విన‌ప‌డుతున్న టాక్ ప్ర‌కారం క‌త్తి మ‌హేష్ 2019 ఎన్నిక‌ల్లో ప‌వ‌న్‌కు పోటీగా బ‌రిలోకి దిగే అవ‌కాశం ఉంద‌ట‌. ఈ విష‌యం తాజాగా ఓ ఛానెల్ నిర్వ‌హించిన లైవ్ షోలో
బ‌ట్ట‌బ‌య‌లైంది. వార‌స‌త్వ రాజ‌కీయాలకు నేను వ్య‌తిరేకిని అన్న ప‌వ‌న్ క‌ల్యాణ్ అన్న హీరో అయితే, త‌మ్ముడు కూడా హీరో అయిపోవ‌చ్చా..? అని ప్ర‌శ్నించారు.

ఎందుకు ప‌నిక‌ట్టుకుని ప‌వ‌న్‌ను విమ‌ర్శిస్తున్నావు అని ప్ర‌శ్నించిన విలేక‌రి ప్ర‌శ్న‌కు క‌త్తి మహేష్ స్పందిస్తూ… ప‌వ‌న్ క‌ల్యాణ్ అస‌లు రాజ‌కీయాల‌కు ప‌నికిరార‌ని పేర్కొన్నారు. అయితే, 2019 ఎన్నిక‌ల్లో మీరు ప‌వ‌న్‌కు పోటీగా నిల‌బ‌డ‌తారా..? అన్న విలేక‌రి ప్ర‌శ్న‌కు స్పందించిన క‌త్తి మ‌హేష్‌. ఇంత వ‌ర‌కు ఈ ఆలోచ‌న త‌న‌కు రాలేద‌ని, అయితే ఇది త‌న‌కు గుడ్‌న్యూసేనంటూ బ‌దులిచ్చాడు.