క్రైస్తవులకు తెలంగాణ సర్కారు అరుదైన కానుక

తెలంగాణ రాష్ట్ర ప్రభుత్వం ఏర్పడిన తరువాత రాష్ట్రంలోని అన్ని కులాలు, మతాలకు చెందిన వర్గాల అభివృద్దే లక్ష్యంగా ముఖ్యమంత్రి కేసీఆర్ పని చేస్తున్న సంగతి తెలిసిందే . ఈ క్రమంలో మొన్న జరిగిన బతుకమ్మ పండుగకు రాష్ట్రంలోని మహిళలందరికీ ప్రభుత్వ కానుకగా బతుకమ్మ చీరలను అందించిన సర్కార్.. ముస్లిం లకు కుడా బట్టలు అందించింది .ఈ నేపధ్యంలో ఈ నెల 25 వ తేదీన క్రిస్మస్‌ పండుగకు కూడా కానుక ఇవ్వడానికి ప్రభుత్వ రెడీ అయింది. ఒక ప్యాంటు, షర్టు, చీరతో పాటు క్రిస్మస్‌ పండుగకు ఉపయోగించే వస్తువులతో కేసీఆర్‌ ఫొటోతో ఉన్న బ్యాగును తయారు చేసింది . ఈ కానుకను రాష్ట్రంలోని 5 లక్షల పేద క్రైస్తవ కుటుంబాలకు అందించనున్నారు. క్రిస్మస్‌ వేడుకలకు ముందే చర్చీలలో వీటిని పంపిణీ చేసేందుకు అధికారులు ఏర్పాట్లు చేస్తున్నారు .