”హ‌లో” హిట్టా.. ఫ‌ట్టా..! దేవుడు అలా కూడా చేస్తాడా?

అన్న‌పూర్ణ స్టూడియోస్ బేన‌ర్లో తండ్రి అక్కినేని నాగార్జున నిర్మాత‌గా అఖిల్ న‌టిస్తున్న రెండో సినిమా హ‌లో. ఇప్ప‌టికే మొద‌టి సినిమాతో అప‌జ‌యంతో క‌స్టాల్లో ఉన్న అఖిల్ హ‌లో చిత్రంలో ఎలాగైనా హిట్ కొట్టాల‌నే క‌సితో ఉన్నాడు. ఇప్ప‌టికే హ‌లో టీజ‌ర్‌తో ఆక‌ట్టుకున్న అఖిల్ తాజాగా విడుద‌లైన హ‌లో ట్రైల‌ర్‌తో మ‌రోసారి విరుచుప‌డ్డాడు. ప్ర‌స్తుతం ఈ ట్రైల‌ర్ మిలియ‌న్ వ్యూస్‌తో ట్రెండింగ్‌లో ఉంటూ ప్రేక్ష‌కుల్లో ఆస‌క్తిని రేకెత్తిస్తోంది.

ఇక ఈ సినిమా ట్రైల‌ర్ విజ‌యానికొస్తే..

ట్రైల‌ర్ ప్రారంభంలో అఖిల్ ర‌న్ చేస్తుండ‌గా.. నాగార్జున వాయిస్ ఓవ‌ర్‌తో చాలా ఇంట్రెస్టింగ్ మొద‌లు అవుతుంది. ఈ వాస్ ఓవ‌ర్‌తో సినిమాపై అంచ‌నాలు ఎంచేందుకు ప్ర‌య‌త్నించాడు ద‌ర్శ‌కుడు.

హలో ఈ అబ్బాయి పేరు అవినాష్‌.. ఒకప్పుడు ఇతణ్ని శీను అని పిలిచేవారు. ఎవరూలేని సీనూ లైఫ్‌లోకి అనుకోకుండా తన సోల్‌మేట్‌ వచ్చింది. అది అతడికి తెలిసేలోపే దూరమైంది. అన్నీ అనుకున్నట్టే జరిగితే దేవుడికి బోర్‌ కొట్టేయదు.. అంటూ అఖిల్‌ను పరిచయం చేశాడు నాగార్జున. దీన్ని బట్టి ఓ ప్రేమకథతో కూడిన ట్విస్ట్‌తో సినిమాను తెరకెక్కించినట్లు అర్థమవుతోంది. ఈ ప్రేమకథకు తోడు ఛేజింగ్ సీన్లు దుమ్మురేపేలా కనిపిస్తున్నాయి. ట్రైలర్‌లో మచ్చుకు చూయించిన ఓ ట్రక్కును ఛేజ్‌ చేసే సీన్ ఔరా అనిపించిగా.. అనూప్ బ్యాగ్రౌండ్ స్కోర్ దుమ్మురేపింది. దర్శకుడు విక్రమ్‌ మరోసారి తన చిత్రాన్ని కమర్షియల్‌ హంగులతో రూపొందించినట్లు తెలుస్తోంది. అంతే కాకుండా.. 15 ఏళ్లుగా ఓ అమ్మాయి కోసం ఎదురుచూస్తున్న నీకు పిచ్చిరా.. అని రమ్యకృష్ణ అంటే.. అమ్మా తను నా సోల్‌మేట్‌.. అంటూ అఖిల్‌ బదులిచ్చే విధానం మరోసారి ఆసక్తి రేపుతుంది. అఖిల్‌ సరసన కథానాయికగా నటించిన కల్యాణి ప్రియదర్శన్ తన అందంతో కట్టిపడేసింది. అనూప్‌ రూబెన్స్‌ సంగీతం సమకూరుస్తున్న హలో సినిమా డిసెంబరు 22న ప్రేక్షకుల ముందుకు రానుంది.