బీకాంలో ఫిజిక్స్ చ‌దివిన‌.. టీడీపీ ఎమ్మెల్యే మ‌ళ్ళీ వేశేసాడు రోయ్‌..!

యూట్యూబ్ ఛానల్‌కు ఇచ్చిన ఇంటర్వ్యూలో మాట్లాడుతూ నేను బీకామ్ లో ఫిజిక్స్ చదివానని చెప్పి ఒక్క‌సారిగా సోష‌ల్ మీడియాలో వైర‌ల్ అయ్యాడు.. విజ‌య‌వాడ టీడీపీ ఎమ్మెల్యే జ‌లీల్ ఖాన్‌. వైసీపీ జెండా పై గెలిచి టీడీపీలోకి జంప్ అయిన జ‌లీల్ అంటే అస‌లు రాష్ట్రంలో ఎవ‌రికీ పెద్ద‌గా తెలియ‌దు. అయితే బీకాంలో ఫిజిక్స్ అనే ఒకే ఒక్క ప‌దంతో రెండు తెలుగు రాష్ట్రాల్లో ఫేమ‌స్ అయ్యారు.

అయితే ఇప్పుడు తాజాగా మ‌రోసారి టాక్ ఆఫ్ ది సోష‌ల్ మీడియా అయ్యారు. పోలవరం విషయంలో తాత్కాలికంగా నెలకొన్న పరిస్థితి దృష్ట్యా అయన చేసిన‌ వ్యాఖ్యలు సంచ‌ల‌నంగా మారాయి. తమ పార్టీ ఎమ్మెల్యేల ఆస్తులు అమ్మి అయినా పోలవరం ప్రాజెక్టు పూర్తి చేస్తామని.. చెప్ప‌డంతో టీడీపీ నేత‌లంతా ఒక్క‌సారిగా ఉలిక్కిప‌డ్డారు.

ఒక‌వైపు టీడీపీ నేతలంతా కేంద్ర ప్రభుత్వంపై ఆగ్రహం వ్యక్తం చేస్తుండగా, విభిన్నంగా స్పందించిన జలీల్ ఖాన్ విజయవాడలో మాట్లాడుతూ, పోలవరం ప్రాజెక్టు పూర్తి చేయడం చంద్రబాబు లక్ష్యమని అన్నారు. చంద్రబాబు లక్ష్యసాధనకు పోరాడుతామని.. పోలవరం పూర్తి చేసేందుకు అవసరమైతే బిచ్చమెత్తుతామని జోలెపట్టి నిధులు సేకరిరించి ఆయన ఎలాగైనా పూర్తి చేసి తీరుతామని ఆయన అన్నారు. దీంతో జ‌లీల్ వ్యాఖ్య‌ల పై టీడీపీ నేత‌లు త‌ల‌ప‌ట్టుకోగా.. సోషల్ మీడియాలో మాత్రం జ‌లీల్ ఖాన్‌ను.. హే జ‌లీల్ మ‌ళ్ళీ వేశేసాడు రోయ్ అంటూ సెటైర్లు వేస్తున్నారు.