ఒక్క రోజులోనే 2.30కోట్ల వ్యూస్‌..

హాలీవుడ్‌లో సూపర్‌ హీరోల చిత్రాలకు కొదవేమీ లేదు. అలాంటి చిత్రాలను ప్రేక్షకులకు అందించడంలో మార్వెల్‌ స్టూడియోస్‌ ముందుంటుంది. తాజాగా ఆ సంస్థ రూపొందిస్తున్న చిత్రం ‘అవెంజర్స్‌: ఇన్ఫినిటీ వార్‌’. బుధవారం విడుదలైన ఈ చిత్ర థియేట్రికల్‌ ట్రైలర్‌ సరికొత్త రికార్డు సృష్టించింది. విడుదలైన ఒక్క రోజులోనే 2.30 కోట్లమందికి పైగా ఈ ట్రైలర్‌ వీక్షించారు. ప్రపంచవ్యాప్తంగా మే 4, 2018న ఈ  చిత్రం ప్రేక్షకుల ముందుకు రానుంది. అయితే భారత్‌లో మాత్రం ఏప్రిల్‌ 27న ఈ సినిమాను విడుదల చేసేందుకు సన్నాహాలు చేస్తున్నట్లు డిస్నీ ఇండియా వెల్లడించింది.