అజిత్ తో స్వీటీ అనుష్క ..

టాలీవుడ్ ఇండస్ట్రీ సత్తానే కాకుండా యావత్తు భారతీయ సినిమా సత్తాను ప్రపంచానికి చాటి చెప్పిన మూవీ బాహుబలి.బాహుబలి ,బాహుబలి 1 చిత్రాలతో ప్రపంచ వ్యాప్తంగా తనకంటూ ఒక ప్రత్యేక గుర్తింపు తెచ్చుకున్న నటి అందాల రాక్షసి అనుష్క. ప్రస్తుతం ఆమె అజిత్‌ సరసన నటించనున్నట్లు తెలుస్తోంది.

‘వివేకం’ తర్వాత దర్శకుడు శివతో అజిత్‌ ‘విశ్వాసం’ అనే చిత్రం చేస్తున్నారు. సత్యజ్యోతి ఫిలిమ్స్‌ నిర్మిస్తోంది. ఈ చిత్రంలో అజిత్‌ విభిన్న పాత్రలో దర్శనమివ్వనున్నారు. ఇందులో మాత్రం సాల్ట్‌ అండ్‌ పెప్పర్‌ లుక్‌ ఉండదని సమాచారం. ఇటీవల మోకాలి శస్త్ర చికిత్స చేయించుకున్న ఆయన బరువు కూడా తగ్గించుకున్నారు.

ప్రస్తుతం కథానాయిక ఎంపికలో భాగంగా స్వీటీ అనుష్క పేరును చిత్ర బృందం పరిశీలిస్తున్నట్లు తెలిసింది. ఆమె ఈ చిత్రంలో నటించే అవకాశాలు మెండుగా ఉన్నట్లు సమాచారం.వచ్చే ఏడాది జనవరిలో ఈ చిత్రం షూటింగ్‌ ప్రారంభం కానుంది. ఈ మూవీకి యువన్‌ శంకర్‌ రాజా సంగీతం సమకూర్చుతున్నారు.