మీకో… కొత్త అనుభూతినిస్తా..!

ఎస్ఎంఎస్ చిత్రంతో టాలీవుడ్‌లోకి అడుగుపెట్టింది రెజీన క‌సాండ్ర‌. కోలీవుడ్ నుంచి టాలీవుడ్‌లో కి వ‌చ్చిన బ్యూటీల్లో రెజీన క‌సాండ్ర ఒక‌రు. అయితే, ఈ అమ్మ‌డు సినిమా కెరియ‌ర్ ప్ర‌స్తుతం అంత‌బాగా ఏమీ లేద‌నే చెప్పుకోవాలి. ఎందుకంటే రెజీనా ఖాతాలో హిట్‌ల‌క‌న్నా.. ప్లాప్‌ల జాబితా ఎక్కువ‌గా ఉండ‌ట‌మే. ఎస్ఎంఎస్ చిత్రం మంచి విజ‌యాన్నే సాధించిన‌ప్ప‌టికి ఆ త‌రువాత వ‌చ్చిన కొన్ని చిత్రాలు ఈ అమ్మ‌డిపై ఐర‌న్ లెగ్ ముద్ర వేశాయి. ఆ త‌రువాత మెగా మేన‌ల్లుడు సాయి ధ‌ర‌మ్‌తేజ్ న‌టించిన సుబ్ర‌హ్మ‌ణ్యం ఫ‌ర్ సేల్ చిత్రంలో హీరోయిన్‌గా న‌టించి చిత్ర విజ‌యంలో భాగ‌మైంద‌నే టాక్ తెచ్చుకుంది. అలాగే, జో అచ్యుతానంద చిత్రంలో డిఫ‌రెంట్ క్యారెక్ట‌ర్ చేసింది. ఈ చిత్రం కూడా ఓ మోస్తారు విజ‌యం సాధించింది. అయినా, ఈ భామ‌పై స్టార్ హీరోల క‌న్ను మాత్రం ప‌డ‌లేదు. అయినా, ఈ భామ కేవ‌లం టాలీవుడ్‌లోనే కాకుండా కోలీవుడ్‌, బాలీవుడ్‌లో న‌టిస్తూ వ‌రుస అవ‌కాశాలతో దూసుకుపోతోంది.

అయితే, హీరో నాని నిర్మాత‌గా కొత్త ద‌ర్శ‌కుడు ప్ర‌శాంత్ వ‌ర్మ తెర‌కెక్కిస్తున్న ఓ చిత్రంలో రెజీనా మెర‌వ‌నుంది. ఈ చిత్రానికి సంబంధించిన విశేషాలను రెజీనా ఇటీవ‌ల మీడియాతో పంచుకుంది. తాను ఈ సినిమాలో శ‌రీరం మీద ట‌ట్టూల‌తో కాస్త క్రేజీ గాల్‌గా క‌నిపిస్తాన‌ని, అస‌లు ఈ అమ్మ‌డు రెజీనేనా అనేలా త‌న పాత్ర ఉండ‌బోతుంద‌ని చెప్పుకొచ్చింది. ఈ చిత్రానికి నాని. రవితేజ వాయిస్ ఓవర్ ఇస్తుండ‌గా.. కాజల్ మెయిన్ లీడ్ లో న‌టిస్తోంది. ఇదిలా ఉండ‌గా.. ఈ సినిమా మొత్తం డిఫరెంట్ గా ఉండ‌బోతుంద‌న‌ట‌. పాత్రలన్నింటికీ చిన్న చిన్న స్టోరీలు, వీటిని కలుపుతూ స్క్రీన్ ప్లే రన్ అవుతుందట. అన్నీ కలిసి క్లయిమాక్స్ కు ఓ రూపం సంతరించుకుంటాయని తెలుస్తోంది. ఏడ్ ఫిల్మ్ లు, షార్ట్ ఫిల్మ్ ల బ్యాక్ గ్రవుండ్ నుంచి వచ్చిన డైరెక్ట‌ర్ ప్రశాంత్ వర్మ తెలుగు ప్రేక్షకులకు ఓ పూర్తి కొత్త ఎక్స్ పీరియన్స్ ఇచ్చే ప్రయత్నం చేస్తున్నాడట.