వామ్మో ఇదేం ట్విస్టు..!

ఒక వైపు హీరోగాను, మ‌రో వైపు చిత్ర నిర్మాత‌గాను రాణిస్తున్నాడు మెగా ప‌వ‌ర్ స్టార్ రామ్ చ‌ర‌ణ్‌. ప్ర‌స్తుతం ప్ర‌ముఖ ద‌ర్శ‌కుడు సుకుమార్ తెర‌కెక్కిస్తున్న రంగ‌స్థ‌లం 1985లో న‌టిస్తున్న రామ్‌చ‌ర‌ణ్ బోయ‌పాటి ద‌ర్శ‌క‌త్వంతో త‌ను న‌టించ‌బోయే త‌దుప‌రి చిత్రాన్ని గుట్టుచ‌ప్పుడు కాకుండా ఇటీవ‌ల ప్రారంభించేశాడు. అయితే, చిత్రాల‌ను ప‌ట్టాలెక్కించే విష‌యంలో ఆ చిత్ర నిర్మాత‌గానీ, హీరోగాని, లేదా ద‌ర్శ‌కుడు గానీ చిత్రానికి సంబంధించిన‌ విష‌యాలను అధికారికంగా మీడియాకు వెల్ల‌డిస్తారు. కానీ, రామ్‌చ‌ర‌ణ్‌, బోయ‌పాటి కాంబో చిత్రం విష‌యంలో ఎటువంటి వివ‌రాలు బ‌య‌ట‌కు రాక‌పోవ‌డం విశేషం.

అయితే, వీరిద్ద‌రి కాంబో త్వ‌ర‌లో ప్రారంభం కాబోతుంద‌ని చాలా కాలంగా వినిపిస్తున్న వార్తే అయిన‌ప్ప‌టికీ .. గుట్టు చ‌ప్పుడు కాకుండా చిత్రం పూజా కార్య‌క్ర‌మాలు చేయ‌డ‌మేంట‌ని చ‌ర్చించుకుంటున్నారు సినీ జ‌నాలు. అయితే, ఇప్ప‌టి వ‌ర‌కు బోయ‌పాటి, రామ్‌చ‌ర‌ణ్ కాంబోలో సినిమా ఉంటుందా? ఉండ‌దా..? అన్న మెగా అభిమానుల ప్ర‌శ్న‌ల‌ను ప‌టాపంచ‌లు చేస్తూ పూజా కార్య‌క్ర‌మాల‌ను ప్రారంభించ‌డంతో సంబ‌రాల్లో ఉన్నారు మెగా అభిమానులు. అంతేకాదు, రామ్‌చ‌ర‌ణ్ ఖాతాలో మ‌రో హిట్ ప‌డ‌టం ఖాయ‌మ‌ని అంటున్నారు మెగా అభిమానులు. అయితే, ఈ కాంబోలో ప్రారంభం కానున్న చిత్రం 2018 జ‌న‌వ‌రిలో రెగ్యుల‌ర్ షూటింగ్ ప్రారంభించి ఆగ‌స్టులో సినిమాను రిలీజ్ చేసేందుకు ప్లాన్ చేశారు చిత్ర బృందం. ఈ చిత్రానికి డీవీవీ దాన‌య్య నిర్మాత‌గా వ్య‌వ‌హ‌రిస్తుండ‌గా.. హీరోయిన్‌, సంగీతం ఎవ‌రు అన్న విష‌యాలు తెలియాల్సి ఉంది.