హైప‌ర్ ఆదిని ప‌వ‌న్ అందుకే పిలిచాడ‌ట‌..!

సినీ విశ్లేష‌కుడు, న‌టుడు క‌త్తి మ‌హేష్‌.. జ‌బ‌ర్ద‌స్త్ ఫేం హైప‌ర్ ఆదిల మ‌ధ్య వైరం రోజు రోజుకు ముదురుతోంది. జ‌బ‌ర్ద‌స్త్ షో వేదిక‌గా క‌త్తి మ‌హేష్ బ‌ట్ట త‌ల‌, పొట్ట‌పై హైప‌ర్ ఆది పంచ్‌లు వేయ‌డం.. ఆ స‌న్నివేశాల వీడియో లింక్‌ల‌ను మా ఫ్రెండ్స్ పంపించారని.. అవి చూసిన త‌రువాత నాకు చాలా బాధ వేసింది అంటూ ఫేస్‌బుక్ లైవ్‌లో క‌త్తి మ‌హేష్ హైప‌ర్ ఆదికి వార్నింగ్ ఇవ్వ‌డం ప‌రిపాటిగా మారింది.

హైప‌ర్ ఆది.. ఇప్పుడిది పేరు కాదు.. ఇదొక బ్రాండ్‌. కేవ‌లం హైప‌ర్ ఆది వేసే పంచ్‌ల‌తోనే జ‌బ‌ర్ద‌స్త్‌కు ప్రేక్ష‌కుల ఆద‌ర‌ణ పెరిగింద‌ని చెప్ప‌డంలో అతిశ‌యోక్తి లేదు. అంతేకాదు ఒకానొక స‌మ‌యంలో జ‌బ‌ర్ద‌స్త్ షో మొత్తం హైప‌ర్ ఆది స్కిట్ మీదే న‌డుస్తుంద‌న్న వార్త‌లు షికారు చేశాయి. అయితే, స్కిట్‌.. స్కిట్‌కు త‌న పంచ్‌ల పంథాను మారుస్తూ..పంచ్‌ల‌లో ప‌స‌ను పెంచేందుకు హైప‌ర్ ఆది తీవ్ర క‌స‌ర‌త్తులే చేస్తున్నాడు. ఇందుకు నిద‌ర్శ‌నం క‌త్తి మ‌హేష్ టార్గెట్‌గా హైప‌ర్ ఆది వేసిన పంచ్ డైలాగ్‌లే!

అయితే, తాజాగా హైప‌ర్ ఆదికి సంబంధించిన మ‌రో వార్త టాలీవుడ్‌లో హ‌ల్‌చ‌ల్ చేస్తోంది. ప్ర‌ముఖ ద‌ర్శ‌కుడు, ప‌వ‌ర్ స్టార్ ప‌వ‌న్ క‌ల్యాణ్‌ కాంబినేష‌న్‌లో సినిమా తెర‌కెక్కుతున్న విష‌యం తెలిసిందే. ఈ సినిమా ప్రారంభ రోజుల్లో హైప‌ర్ ఆదిని ప‌వ‌న్ క‌ల్యాణ్‌ పిలిచాడ‌ని, ప‌వ‌న్ క‌ల్యాణ్‌ పిలుపు మేర‌కు హైప‌ర్ ఆది ప‌వ‌న్ క‌ల్యాణ్ ద‌గ్గ‌ర‌కు వెళ్లాడ‌ని అప్ప‌ట్లో వార్త షికారు చేసింది. అదే స‌మ‌యంలో క‌త్తి మ‌హేష్ వ‌ర్సెస్ ప‌వ‌న్ క‌ల్యాణ్ అభిమానుల మ‌ధ్య సోష‌ల్ మీడియాలో వైరం న‌డుస్తుండ‌టం మ‌రో విశేషం.

ఇదే విష‌య‌మై ఇప్పుడు టాలీవుడ్‌లో చ‌ర్చ కొన‌సాగుతోంది. ప‌వ‌న్ క‌ల్యాణ్‌, హైప‌ర్ ఆదిలు కలిసిన స‌మ‌యంలో క‌త్తి మ‌హేష్ గురించి చ‌ర్చించుకున్నార‌ని, క‌త్తి మ‌హేష్ అలా మాట్లాడ‌టానికి గ‌ల కార‌ణాలు, త‌దిత‌ర అంశాల‌పై వీరు చ‌ర్చించిన‌ట్లు తెలుస్తోంది.

ప‌వ‌న్ క‌ల్యాణ్‌ను క‌లిసిన అనంత‌రం .. పై విష‌యాల‌ను రుజువు చేస్తూ.. హైప‌ర్ ఆది త‌న జ‌బ‌ర్ద‌స్త్ స్కిట్‌లో క‌త్తి మ‌హేష్‌పై పంచ్‌లు వేయ‌డం, అందుకు నాగ‌బాబు న‌వ్వులు పూయించ‌డం, అందుకు ఆ వ్యాఖ్య‌లు నా గురించే అంటూ క‌త్తి మ‌హేష్ ఫేస్‌బుక్ లైవ్ పెట్ట‌డం వంటి విష‌యాలు గ‌త కొన్ని రోజులుగా న‌డుస్తున్న‌ది తెలిసిన స‌మాచార‌మే.