కొడ‌కా కోటేశ్వ‌రా.. పవన్‌కళ్యాన్‌ నోట అనిరుధ్‌ పాట

టాలీవుడ్ న‌టుడు పవన్ కళ్యాణ్ త‌న సినిమాల్లో అప్పుడ‌ప్పుడూ త‌న‌లో ఉన్న ఇత‌ర క‌ళ‌ల‌ని బ‌య‌ట‌కి తీస్తారు. న‌ట‌న, ద‌ర్శ‌క‌త్వం, ఫైట్స్‌, సింగింగ్ ఇలా ఒక్కో సినిమాలో ఒక్కో ట్యాలెంట్‌ని బ‌య‌టపెట్టారు. గ‌తంలో త్రివిక్ర‌మ్ ప‌వ‌న్ కాంబినేష‌న్‌లో వ‌చ్చిన అత్తారింటికి దారేది చిత్రంలో కాటమరాయుడ పాట పాడిన ప‌వ‌న్.. తాజాగా త్రివిక్ర‌మ్ ద‌ర్శ‌క‌త్వంలో న‌టిస్తున్న చిత్రం కోసం మరోసారి గొంతు శ్రుతి చేసుకోబోతున్నాడు.

అజ్ఞాతవాసి చిత్రం కోసం.. కొడ‌కా… కోటేశ్వ‌రా అంటూ సాగే పాట‌ను ప‌వ‌న్ పాడ‌నున్నార‌ని సినీ వ‌ర్గాల్లో ఓ టాక్ స్ప్రెడ్ అయ్యింది. ఈ చిత్రానికి కోలీవుడ్ మ్యూజిక్ డైరెక్ట‌ర్‌ అనిరుధ్ ర‌విచంద‌ర్ సంగీతం సమకూర్చుతున్నారు. ఈ చిత్రంలో ప‌వ‌న్ అభిజిత్ భార్గ‌వ్ అనే సాఫ్ట్‌వేర్ ఇంజినీర్ పాత్ర‌లో క‌నిపించ‌నున్న‌ట్లు తెలుస్తోంది. ఇప్ప‌టికే ఈ చిత్రంలోని బ‌య‌టికొచ్చి చూస్తే అనే పాట అభిమానుల‌ను ఆక‌ట్టుకుంటోంది. ఈ చిత్రంలో కీర్తి సురేశ్‌, అను ఎమ్మాన్యుయేల్‌లు హీరోయిన్లుగా న‌టిస్తున్నారు. సంక్రాంతి కానుకగా ఈ సినిమా ప్రేక్షకుల ముందుకు రానుంది.