క‌త్తి మ‌హేష్‌ఫై జ‌బ‌ర్ద‌స్త్ క‌మెడియ‌న్ సంచ‌ల‌న వ్యాఖ్య‌లు!

తెలుగు బుల్లితెర హాట్ కామెడీ షో జబర్దస్త్ క‌మెడియ‌న్ హైప‌ర్ ఆది.. సినీ క్రిటిక్ క‌త్తి మ‌హేష్ మ‌ధ్య పోరు సోష‌ల్ మీడియా నుండి ఒక ప్ర‌ముఖ చాన‌ల్‌కి ఎక్కిన విష‌యం విధిత‌మే. అస‌లు మొద‌ట ప‌వ‌న్ ప్యాన్స్‌కి – క‌త్తికి మ‌ధ్య మొద‌లైన ర‌గ‌డ‌.. జ‌బ‌ర్ధ‌స్త్ స్కిట్‌ల‌లో క‌త్తి పై పొట్ట నెత్తిమీద బ‌ట్ట‌.. అంటూ హైప‌ర్ ఆది సెటైర్లు వేయ‌డంతో మ‌రోసారి ఆ విష‌యం పై అగ్గి రాజుకుంది.

దీంతో క‌త్తి మ‌హేష్‌తో ఓ ప్ర‌ముఖ చాన‌ల్ డిబేట్ నిర్వ‌హించ‌గా హైప‌ర్ ఆది పై మండి ప‌డ్డారు. అయితే ఆ డిబేట్ జరిగిన త‌ర్వాత హైప‌ర్ ఆదితో దిగిన ఫొటో ఒక‌టి పోస్ట్ చేసిన క‌త్తి మ‌హేష్ మ‌రో కాంట్ర‌వ‌ర్సిటీకి తెర‌లేపారు. దీంతో ఈ సారి హైప‌ర్ ఆదిని లైవ్‌లోకి పిలిచింది.. ఆ ప్ర‌ముఖ చాన‌ల్. క‌త్తి మ‌హేష్‌ని ఫోన్ ద్వారా లైవ్ లోకి తెచ్చింది.

అయితే హైప‌ర్ ఆది- క‌త్తి మ‌హేష్ మ‌ధ్య వాడి – వేడి చ‌ర్చ జ‌రిపి టీఆర్పీ పెంచుకుందామ‌నుకున్న ఆ ప్రముఖ చాన‌ల్ ప‌రువు తీసాడు హైప‌ర్ ఆది. స‌ద‌రు యాంక‌ర‌మ్మ క‌త్తి మ‌హేష్ తో ప్రాబ్లం ఏంట‌ని అడుగ‌గా.. ఆ ప్రాబ్లం ప‌క్క‌న పెట్టి.. మొన్న ఏపీలో కృష్ణా న‌ది బోటు ప్ర‌మాదం జ‌రిగింది.. 23 మంది చ‌నిపోయిన బోటు విష‌యం ప‌క్క‌న పెట్టి పోట్ట వాడి నెత్తి మీద బ‌ట్ట పై గంట సేపు డిబేట్ ఎలా పెట్టారని అడుగ‌డంతో.. ఆ యాంక‌ర‌మ్మ ఒక్క‌సారిగా షాక్ తిని టాపిక్‌ని డైవ‌ర్ట్ చేసింది. దీంతో ఒక్క‌సారిగా ఆ ప్ర‌ముఖ చాన‌ల్ పై సోష‌ల్ మీడియాలో విమ‌ర్శ‌లు కూడా చేశారు నెటిజ‌న్లు.

ఈ విష‌య‌మై క‌త్తి మ‌హేష్ స్పందిస్తూ.. మీడియా అడిగిన ప్ర‌శ్న‌ల‌కు హైప‌ర్ ఆది వ‌ద్ద స‌రైన స‌మాధానాలు లేక త‌డ‌బడ్డాడ‌ని, దీంతో మీడియా సాక్షిగా హైప‌ర్ ఆది త‌న‌మీద కావాల‌నే కామెంట్లు చేస్తున్నాడ‌న్న విష‌యం మ‌రోసారి రుజువైంద‌న్నారు. ఈ విష‌యం కాస్తా జ‌బ‌ర్ద‌స్త్ ఫేమ్ కిర్రాక్ ఆర్పీ దాకా పోవ‌డంతో.. డిబేట్ నిర్వ‌హించిన ఆ మీడియాపై విరుచుకుప‌డ్డాడు. ఒక వ్య‌క్తిత్వం ఉన్న వ్య‌క్తిని ఛానెల్‌కు పిలిపిచ్చిన‌ప్పుడు.. ఆదిగారు ఒక వైపు ఉండిపోయి యాంక‌ర‌మ్మ దేవిగారు క‌త్తి మ‌హేష్‌కు స‌పోర్టు చేస్తూ హైప‌ర్ ఆదిమీద‌కు ఎక్క‌డం త‌న‌కు న‌చ్చ‌లేద‌న్నారు.

యాంక‌ర్ అనే వ్య‌క్తి మ‌ధ్య‌వ‌ర్తిత్వం వ‌హిస్తూ అటు వైపు.. ఇటు వైపు ఇద్ద‌రికి గొడ‌వ‌ను స‌ర్దుమ‌నిగేలా చేయాలేకానీ.. కేవ‌లం ఆదిగారినే టార్గెట్ చేయ‌డం దారుణ‌మ‌న్నారు. హైప‌ర్ ఆదిని భ‌య‌పెట్టేస్తే.. బాధ‌పెట్టేస్తే.. జ‌బ‌ర్ద‌స్త్ మొత్తం భ‌య‌ప‌డుతుంది.. త‌న ధోర‌ణిని మార్చుకుంటుంది. నాలుగు ప్రశ్న‌లు రాసుకొచ్చిన మీకే అంతుంటే.. మంచి ఆర్టిస్టుగా రాణిస్తున్న హైప‌ర్ ఆదికి ఇంకెంత ఉండాలి అంటూ కౌంట‌ర్ ఇచ్చాడు.త‌న‌ దృష్టిలో క‌త్తి మ‌హేష్ అనే వ్య‌క్తికి పిచ్చి ఉందని, మెంట‌ల్ ఉంద‌ని, మెంట‌ల్ ఎందుకు అంటున్నానంటే.. క‌త్తి మ‌హేష్ త‌న దృష్టిలో ఒక ఉగ్ర‌వాదితో స‌మానమంటూ త‌న‌దైన శైలిలో అటు యాంక‌ర్‌పై.. ఇటు క‌త్తి మ‌హేష్‌పై విరుచుకుప‌డ్డాడు కిర్రాక్ ఆర్పీ.