త్రివిక్ర‌మ్ మాట‌ను నిజం చేసిన యువ‌తులు! ఎవ‌రో తెలుసా?

సాఫ్ట్ కామెడీ, రొమాంటిక్ కామెడీల‌ను చిత్రీక‌రించ‌డంలో త్రివిక్ర‌మ్ సిద్ధ‌హ‌స్తుడ‌నే చెప్పాలి. అందేకాదు, త్రివిక్ర‌మ్ త‌ను డైరెక్ట్ చేసే ప్ర‌తీ సినిమాలో హాలీవుడ్ స్థాయి స‌న్నివేశాలు ఉంటాయ‌ని టాలీవుడ్ జ‌నాల టాక్‌. అయితే, నువ్వే చిత్రంతో డైరెక్ట‌ర్‌గా వెండి తెర‌కు ప‌రిచ‌య‌మైన త్రివిక్ర‌మ్ అంత‌కు ముందు ప‌లు చిత్రాల‌కు మాట‌ల ర‌చ‌యిత‌గా ప‌నిచేశాడ‌న్న‌ది తెలిసిన విష‌య‌మే.

త్రివిక్ర‌మ్ డైరెక్ట్ చేసిన నువ్వే, అత‌డు, జ‌ల్సా వంటి వ‌రుస విజ‌యాల త‌రువాత వ‌చ్చిన క‌లేజా చిత్రం డీలాప‌డినప్ప‌టికీ.. ఆ త‌రువాత వ‌చ్చిన జులాయి, అత్తారింటికి దారేది, అ ఆ చిత్రాలతో వ‌రుస విజ‌యాలు సాధించాడు. అయితే, ప‌వర్ స్టార్ ప‌వ‌న్ క‌ల్యాన్ హీరోగా త్రివిక్ర‌మ్ డైరెక్ట‌ర్‌లో తెర‌కెక్కిన అత్తారింటికి దారేది చిత్రం అప్ప‌ట్లో ఇండ‌స్ర్టీ రికార్డుల‌ను తిర‌గ‌రాసిన విష‌యం తెలిసిందే.

అంత‌కు ముందు డైరెక్ట‌ర్‌ విజయభాస్కర్ దగ్గర స్వయంవరం, చిరునవ్వుతో, నువ్వేకావాలి, నువ్వు నాకు నచ్చావ్, మన్మధుడు, మల్లీశ్వరి, జై చిరంజీవ వంటి చిత్రాలకు మాటల రచయితగా ప‌నిచేశాడు త్రివిక్ర‌మ్‌. అప్ప‌ట్నుంచి మాటల మాంత్రికుడుగా ప్రసిద్ధి పొందాడు త్రివిక్ర‌మ్‌.

అస‌లు విష‌యానికొస్తే.. మాటల‌ మాంత్రికుడు ఏ ముహూర్తాన అన్నాడో గాని.. తాను అన్న మాట‌ల‌ను నిజం చేసే ప‌నిలో ప‌డ్డారు ఇద్ద‌రు అమ్మాయిలు. వారెవ‌రో కాదండీ, కేర‌ళ కుట్టి అనుప‌మ ప‌ర‌మేశ్వ‌ర‌న్‌, బిగ్‌బాస్ ఫేమ్ హ‌రితేజ‌. వీరిద్ద‌రికీ త్రివిక్ర‌మ్‌కు అస‌లు సంబంధం ఏమిట‌ని అనుకుంటున్నారా..? ఆగండి.. ఆగండి అక్క‌డికే వ‌స్తున్నా!

ఆ మ‌ధ్య అ ఆ చిత్రం ఆడియో ఫంక్ష‌న్‌లో త్రివిక్ర‌మ్ మాట్లాడుతూ.. వీరిద్ద‌రిపై ప్ర‌శంస‌ల వ‌ర్షం కురిపించారు. న‌ట‌న ప‌రంగా ఈ చిత్రానికి వారిద్ద‌రూ చాలా హెల్ప్ అయ్యారు. వారిద్ద‌రి క్యారెక్ట‌ర్సే సినిమాకు హైలెట్ అవుతాయి. ఈ చిత్రంలో అనుప‌మ ప‌ర‌మేశ్వ‌ర‌న్ నాగ‌వ‌ల్లి క్యారెక్ట‌ర్ చేసింది. మీరు చాలా సంవ‌త్స‌రాల‌పాటు ఆ అమ్మాయిని వెండితెర‌పై చూస్తారు. అలాగే హ‌రితేజ గురించి మాట్లాడుతూ.. అలాగే, ఈ సినిమాలో నాకు దొరికిన మంచి న‌టి హ‌రితేజ‌. ఈ అమ్మాయిని కూడా మీరు చాలా సంవ‌త్స‌రాలపాటు చూడాలి. న‌చ్చినా.. న‌చ్చ‌క పోయినా త‌ప్ప‌దు. ఎందుకంటే హ‌రితేజ‌ను చూడ‌గానే చిన్న వ‌య‌సులో ఉన్న సూర్య‌కాంతంలా అనిపించింది. అంటూ మాట‌ల మాంత్రికుడు అన్న మాట‌లు గుర్తొచ్చాయా?

ఇప్పుడు త్రివిక్ర‌మ్ మాట‌ల‌ను నిజం చేస్తూ వ‌రుస అవ‌కాశాల‌తో దూసుకుపోతున్నారు అనుప‌మ ప‌ర‌మేశ్వ‌ర‌న్‌, హ‌రితేజ‌. ఓ ప‌క్క వెండితెర‌పై త‌న‌దైన న‌ట‌నా శైలితో వ‌రుస అవ‌కాశాల‌తో అనుప‌మ ప‌ర‌మేశ్వ‌న్ దూసుకుపోతుంటే మ‌రో ప‌క్క హ‌రితేజ బుల్లితెర‌పై ప‌లు ప్రోగ్రామ్‌లు చేస్తూ దూసుకుపోతుంది. ఏది ఏమైనా మాట‌ల మాంత్రికుడు త్రివిక్ర‌మ్ మాట‌ల్లో ఇంత ప‌వ‌ర్ ఉందా? అంటూ చ‌ర్చించుకుంటున్నారు సినీ జ‌నాలు.