అమితాబ్ కు తృటిలో తప్పిన ప్రాణాపాయం..

బాలీవుడ్ సీనియర్ హీరో ,బిగ్ బీ ,మెగాస్టార్ అమితాబ్ బచ్చన్ కు తృటిలో ప్రాణాపాయం తప్పింది .బిగ్ బీ ప్రయాణిస్తున్న మెర్సిడీజ్ కారు వెనక టైరు ఊడిపోయింది .గత శనివారం కలకత్తా పర్యటనకు వచ్చిన సమయంలో ఈ సంఘటన జరిగింది .అయితే ,ఆలస్యంగా ఈ విషయం వెలుగులోకి వచ్చింది .

ఇరవై మూడు వ కలకత్తా ఇంటర్నేషనల్ ఫిల్మ్ ఫెస్టివల్ కు రావాల్సిందిగా బెంగాల్ రాష్ట్ర ప్రభుత్వమే ఆయనను ఆహ్వానింది .దీంతో బిగ్ బీ కోసం ఏర్పాటు చేసిన కారు ఇలా ప్రమాదానికి గురైంది .ఈ ప్రమాదం జరిగిన సమయంలో కారులో బిగ్ బీ తో పాటుగా రాష్ట్ర సీనియర్ మంత్రి కూడా ఒకరున్నారు .