ఎన్టీఆర్‌కు మ‌హేష్ స్టోరీ అంత‌లా న‌చ్చిందా!

న‌ట రుద్రుడు నంద‌మూరి తార‌క రామారావు (జూ.ఎన్టీఆర్‌) ఇప్పుడు ప్ర‌ముఖ ద‌ర్శ‌కుడు త్రివిక్ర‌మ్‌పై గుర్రుగా ఉన్నార‌ట‌. దీనికి కార‌ణం కూడా ఎన్టీఆర్‌కు త్రివిక్ర‌మ్ చెప్పిన స్టోరీ లైనేన‌ట‌. ఇక ఆ స్టోరీ లైన్‌ను విన్న ఎన్టీఆర్ అప్పట్నుంచి త్రివిక్ర‌మ్‌పై తెగ ఒత్తిడి తెస్తున్న‌ట్లు స‌మాచారం.

అయితే, ఈ మ‌ధ్య‌నే త్రివిక్ర‌మ్ ద‌ర్శ‌క‌త్వంలో ఎన్టీఆర్ హీరోగా హారిక అండ్ హాసిని క్రియేష‌న్స్ సంస్థ సినిమాను ప్రారంభించిన విష‌యం తెలిసిందే. అంతేగాక, ఈ సినిమా ప్రారంభ కార్య‌క్ర‌మానికి ముఖ్య అతిధిగా ప‌వ‌ర్ స్టార్ ప‌వ‌న్ క‌ల్యాణ్ హాజ‌రై ఎన్టీఆర్‌పై క్లాప్ కొట్టాడు కూడాను. దీంతో ఎన్టీఆర్ కుటుంబ స‌భ్యులు, మెగా కుటుంబ స‌భ్యుల మ‌ధ్య మైత్రి బంధం మ‌రింత బ‌ల‌ప‌డిందంటూ అభిమానులు సైతం చ‌ర్చించుకున్నారు. ఎన్టీఆర్‌పై క్లాప్ కొట్టే స‌మ‌యంలో ప‌వ‌న్ క‌ల్యాణ్ త‌న‌దైన శైలిలో న‌వ్వులు పూయించిన విష‌యం తెలిసిందే.

ఇక అస‌లు విష‌యానికొస్తే.. త్రివిక్ర‌మ్‌, ఎన్టీఆర్‌ల కాంబినేష‌న్ సెట్ అయిన‌ప్ప‌టికీ ఇంకా ఆ సినిమా సెట్స్‌పైకి వెళ్ల‌లేదు. దీనికి కార‌ణం ప్ర‌స్తుతం ప‌వ‌న్ క‌ల్యాణ్‌తో త్రివిక్ర‌మ్ చేస్తున్న సినిమానే. ప‌నిలో ప‌నిగా ఎన్టీఆర్‌తో తీయ‌నున్న సినిమా క‌థ‌ను ఇంకా ఇంప్రూవ్ చేసే ప‌నిని పూర్తి చేసే ప‌నిలో ఉన్నాడు త్రివిక్ర‌మ్‌. అలాగే, ఎన్టీఆర్ చిత్రం పూర్త‌య్యాక త్రివిక్ర‌మ్ – మ‌హేష్‌బాబు కాంబినేష‌న్ సెట్స్‌మీద‌కు వెళ్ల‌నున్న విష‌యం తెలిసిందే. ఈ నేప‌థ్యంలో మ‌హేష్‌తో తీయ‌నున్న సినిమా స్టోరీ లైన్‌ను ఎన్టీఆర్‌కు వినిపించాడ‌ట త్రివిక్ర‌మ్‌. ఆ స్టోరీ లైన్‌ను విన్న ఎన్టీఆర్.. త‌న‌తో తీయ‌బోయే సినిమా స్టోరీ లైన్ క‌న్నా మ‌హేష్‌బాబుతో తీయ‌నున్న చిత్రం స్టోరీలైన్ బాగుంద‌ని, వెంట‌నే ఆ స్టోరీనే త‌న చిత్రంలో పెట్ట‌మ‌ని ఎన్టీఆర్ ప‌ట్టుబ‌ట్టాడ‌ట‌.

మ‌రి త్రివిక్ర‌మ్ మ‌హేష్ కోసం రెడీ చేసిన స్టోరీ లైన్‌ను ఎన్టీఆర్ కోసం వాడుతాడా? లేక ముందుగా అనుకున్న‌ట్టే వారి.. వారి కోసం రెడీ చేసిన‌ స్టోరీ లైన్‌ను వారి కోస‌మే వాడుతాడా? అనేది తెలియాలి. ఏదేమైనా మ‌హేష్ చిత్రం కోసం త్రివిక్ర‌మ్ రెడీ చేసిన స్టోరీ లైన్ ఎన్టీఆర్‌కు అంత‌లా న‌చ్చ‌డానికి.. అందులో ఏముందోన‌ని చ‌ర్చించుకుంటున్నారు సినీ జ‌నాలు.