Dharuvu No:1 Telugu Political web site in telugu states
శ్రీలంకతో టెస్టు సిరీస్‌కు బీసీసీఐ 15 మంది సభ్యులతో భారత జట్టును ప్రకటించింది. తొలి రెండు టెస్టులకు జట్టును ప్రకటించిన సెలక్టర్లు యువ ఆల్‌రౌండర్‌ హార్దిక్‌ పాండ్యకు విశ్రాంతి కల్పించారు. టీమ్‌ మేనేజ్‌మెంట్‌ను సంప్రదించిన తర్వాతే ఈ నిర్ణయం తీసుకున్నట్టు తెలిపారు.
శ్రీలంక సిరీస్‌ తర్వాత టీమిండియా దక్షిణాఫ్రికా, ఇంగ్లాండ్‌లో సుదీర్ఘంగా పర్యటించనుంది. ఈ నేపథ్యంలో పాండ్యపై పని ఒత్తిడి లేకుండా చూసేందుకు, గాయాల బారిన పడకుండా ఉండేందుకు విశ్రాంతినిచ్చారు. ఈ సమయంలో బెంగళూరులోని జాతీయ క్రికెట్‌ అకాడమీలో పాండ్య తన నైపుణ్యాలను మరింత మెరుగు పెట్టుకుంటాడు. సీనియర్‌ స్పిన్నర్లు రవీంద్ర జడేజా, రవిచంద్రన్‌ అశ్విన్‌ తిరిగి జట్టులోకి వచ్చారు. ఈనెల 16న కోల్‌కతాలోని ఈడెన్‌ గార్డెన్‌లో తొలి టెస్టు ఆరంభమవుతుంది.
భారత జట్టు
విరాట్‌ కోహ్లీ (సారథి), కేఎల్‌ రాహుల్‌, మురళీ విజయ్‌, శిఖర్‌ ధావన్‌, ఛెతేశ్వర్‌ పుజారా, అజింక్య రహానె (ఉప సారథి), రోహిత్‌ శర్మ, వృద్ధిమాన్‌ సాహా (వికెట్‌ కీపర్‌), రవిచంద్రన్‌ అశ్విన్‌, రవీంద్ర జడేజా, కుల్‌దీప్‌ యాదవ్‌, మహ్మద్‌ షమి, ఉమేశ్‌ యాదవ్‌, భువనేశ్వర్‌ కుమార్‌, ఇషాంత్‌ శర్మ.
