సింగపూర్‌లో హైదరాబాద్‌ వ్యాపారి దారుణ హత్య… వాట్సాప్‌లో వైరల్

 సింగపూర్‌లో హైదరాబాద్‌ వ్యాపారి ఒకరు దారుణ హత్యకు గురయ్యారు. హైదరాబాద్‌ కుషాయిగూడకు చెందిన వాసుదేవ్‌రాజ్‌ను వ్యాపారం పేరుతో పలువురు సింగపూర్‌కు తీసుకువెళ్లారు. అక్కడికి వెళ్లాక అతన్ని గదిలో నిర్బంధించి చిత్రహింసలకు గురిచేశారు. ఆ తర్వాత హైదరాబాద్‌లోని రాజ్‌ బంధువులకు నిందితులు ఫోన్‌ చేసి రూ.3 కోట్లు డిమాండ్‌ చేశారు. డబ్బులు చెల్లిస్తే అతన్ని వదిలేస్తామని బెదిరించారు. వాసుదేవ్‌ను బంధించిన చిత్రాలను వాట్సాప్‌లో పంపించారు. బంధువుల నుంచి ఎలాంటి స్పందన లేకపోవడంతో అతన్ని దారుణంగా హత్య చేశారు. ఈ ఘటనకు సంబంధించిన సమాచారం భారత రాయబార కార్యాలయం ద్వారా బంధువులకు చేరింది. రేపు లేదా ఎల్లుండి వాసుదేవ్‌ మృతదేహం నగరానికి చేరుకోనుంది.