రకుల్ ప్రీత్ సింగ్ తమ్ముడి గర్ల్ ఫ్రెండ్ ని పూరీ జగన్నాథ్ దగ్గరకి

కొత్త సినిమా మెహ బూబా తో తన కొడుకుని హీరోగా పెట్టిన పూరీ జగన్నాథ్ ఈ సినిమా మీద చాలానే ఆశలు పెట్టుకున్నాడు. ఫుల్ బిజీ షెడ్యూల్ తో ఈ సినిమా షూటింగ్ ప్రస్తుతం శరవేగంగా నడుస్తోంది. ప్రధానమైన పాత్రలకి సంబంధించిన కొన్ని కీలకమైన సన్నివేశాలను చిత్రీకరిస్తూ వెళుతున్నారు. ఈ సినిమాలో నేహా శెట్టి కథానాయికగా నటిస్తోన్న సంగతి తెలిసిందే. కన్నడలో నిలదొక్కుకోవడానికి ప్రయత్నిస్తోన్న ఈ అమ్మాయి, ఒక్కసారిగా పూరీ మూవీలో ఛాన్స్ కొట్టేయడం అందరికీ ఆశ్చర్యాన్ని కలిగించింది.

అయితే ఈ ఛాన్స్ వెనకాల రకుల్ ప్రీత్ సింగ్ ఉంది అనే టాక్ ఉంది. నేహా శెట్టి బాయ్ ఫ్రెండ్ అమన్ అనే కుర్రాడు రకుల్ ప్రీత్ కి సొంత తమ్ముడు. నేహా – అమన్ లు ఇద్దరూ చాలా క్లోజ్ గా ఉంటారు, అందుకే పూరీ ని రికమెండ్ చెయ్యమని అమన్ ద్వారా నేహ కోరడం వెంటనే రకుల్ ఆమెని ఆడిషన్ కి రమ్మని అడగడం అలా అలా అమన్ రకుల్ చెవిలో ఓ మాట వేయడం .. రకుల్ .. పూరీకి సిఫార్స్ చేయడం జరిగిందట. అలా రకుల్ సిఫార్స్ మేరకే ‘మెహబూబా’లో నేహాశెట్టికి ఛాన్స్ వచ్చిందనే ప్రచారం జరుగుతోంది.