Dharuvu No:1 Telugu Political web site in telugu states
బాలీవుడ్‌ బ్యూటీ ఐశ్వర్య రాయ్‌ ఫొటోలను డిలీట్‌ చేయాల్సిందిగా భర్త అభిషేక్‌ బచ్చన్‌ మీడియాకు వార్నింగ్‌ ఇచ్చారు. మొన్న శుక్రవారం అభి, ఐష్‌ కలిసి ప్రముఖ ఫ్యాషన్‌డిజైనర్‌ మనీశ్‌ మల్హోత్రా ఏర్పాటుచేసిన పార్టీకి వెళ్లారు.
పార్టీలో ఐశ్వర్య మోకాళ్లు కన్పించేలా ఓ డ్రెస్‌ వేసుకుంది. అయితే పార్టీ అయిపోయాక తిరిగి ఇంటికి వెళుతుంటే ఐష్‌ ఫొటోలు తీసేందుకు ఫొటోగ్రాఫర్లు వెంటబడ్డారు. ఐష్‌ కారులో కూర్చుంటుండగా అసభ్యకరంగా ఫొటోలు తీశారు.
దాంతో అభిషేక్‌ వారిపై మండిపడ్డారు. ఓ అమ్మాయితో ఎలా ప్రవర్తించాలో తెలుసుకోండి అంటూ వారిపై ఆగ్రహం వ్యక్తం చేశారు. అంతేకాదు ఐష్‌ ఫొటోలన్నీ డిలీట్‌ చేయాల్సిందిగా వారిని హెచ్చరించారు కూడా. ప్రస్తుతం ఐశ్వర్య ‘ఫ్యానీ ఖాన్‌’ చిత్రంలో నటిస్తోంది. ఈ చిత్రంలో రాజ్‌కుమార్‌ రావ్‌, అనిల్‌ కపూర్‌ కీలక పాత్రల్లో నటిస్తున్నారు.
