గజ్వేల్ నుండి పోటీ చేస్తా.. కోమటిరెడ్డి

తెలంగాణ రాష్ట్రంలోని నల్గొండ నియోజకవర్గం నుంచి ముఖ్యమంత్రి కేసీఆర్ ను పోటీ చేయమని కోరుతున్నాననికాంగ్రెస్ పార్టీ సీనియర్ నేత కోమటిరెడ్డి వెంకటరెడ్డి అన్నారు .ఇవాళ అసెంబ్లీ లాబీలో ఆయన మీడియాతో మాట్లాడుతూ..రూ.500 కోట్లు ఖర్చు పెట్టినా కూడా కేసీఆర్ గెలవలేరని, అక్కడ తానే గెలుస్తానని కోమటిరెడ్డి వెంకటరెడ్డి ధీమా వ్యక్తం చేశారు. కేసీఆర్ నల్గొండ నుంచి పోటీ చేయాలి లేదా తానే గజ్వేల్ లో పోటీ చేస్తానని అన్నారు.50 వేల మెజార్టీతో కనుక తాను గెలవకుంటే.. రాజకీయాల నుంచి తప్పుకుంటానని అన్నారు. ఈ సందర్భంగా ఎంఐఎం ఎమ్మెల్యే అక్బరుద్దీన్ పై ఆయన విమర్శలు గుప్పించారు. ప్రభుత్వాన్ని అక్బరుద్దీన్ పొగిడిన విషయం తమకు అవసరం లేదని, నరం లేని నాలుక అక్బరుద్దీన్ దని, కాంగ్రెస్ పార్టీ అధికారంలో ఉంటే మమ్మల్నీ ఆయన పొగుడుతారని విమర్శించారు.