మెట్రో రైల్ ప్రారంభానికి రంగం సిద్దం..కేటీఆర్

తెలంగాణ రాష్ట్ర రాజధాని హైదరాబాద్ మహానగరంలో ప్రతిష్టాత్మకంగా నిర్మాణమవుతున్న హైదరాబాద్ మెట్రో రైలు ప్రాజెక్టు త్వరలో ప్రారంభంకానుంది. ఈ నెల 15వరకు మెట్రో రైల్ ప్రాజెక్టు ప్రారంభానికి రంగం సిద్ధవుతోందని మంత్రి కేటీఆర్ తెలిపారు. ఈ నెల 28న మెట్రో ప్రాజెక్టును ప్రారంభించాలని ప్రధాని మోదీని కోరామని ఈ మేరకు ప్రధాన మంత్రి కార్యాలయానికి లేఖ రాశామని మంత్రి తెలిపారు. ఈ నెల 28న జరిగే ప్రపంచ భాగస్వామ్య సదస్సులో పాల్గొనేందుకు ప్రధాని హైదరాబాద్ వస్తున్నారన్నారు. ఆ సమయంలోనే ప్రధాని మెట్రో కూడా ప్రారంభిస్తారన్నారు. ఈ విషయంపై ప్రధానమంత్రి కార్యాలయం నుంచి ధృవీకరణ రావాల్సి ఉందన్నారు.