కొత్త పార్టీ పెట్టిన కళ్యాణ్ రామ్

నందమూరి వారిది సైకిల్ గుర్తు కదా? మరి కళ్యాణ్ రామ్ స్పెషల్‌గా ఏమైనా పార్టీ పెడుతున్నాడా అని అనుకుంటున్నారా? అవును కళ్యాణ్ రామ్ పార్టీ పెట్టాడు. అయితే అది రియల్ లైఫ్‌లో కాదు రీల్ లైఫ్‌లో. ప్రస్తుతం ఈ హీరో ఉపేంద్ర మద్వానీ దర్శకత్వంలో ‘ఎంఎల్ఏ’ అనే సినిమాలో నటిస్తోన్న సంగతి తెలిసిందే. ఈ సినిమా రాజకీయ నేపథ్యంలో సాగే కథ. ఈ మూవీ స్టోరీ డిమాండ్ చేయడంతో మనోడు పొలిటికల్ ఎంట్రీ ఇచ్చేశాడు. వీరభద్రాపురం నుండి ఎమ్మెల్యేగా పోటీ చేస్తూ ట్యాప్ గుర్తుకు ఓటేయమని ఎన్నికల ప్రచారంలో పాల్గొంటాడు.

ప్రస్తుతం ఈ సినిమా షూటింగ్ ఆదిలాబాద్ పరిసర ప్రాంతాల్లో జరుగుతోంది. సినిమాలో ప్రస్తుత రాజకీయాల ప్రస్తావన కూడా ఉంటుందని సమాచారం. రాజకీయాల్లో ఎత్తుగడలను కూడా కళ్ళకు కట్టినట్లుగా చూపించబోతున్నాడట దర్శకుడు. మొత్తానికి కళ్యాణ్ రామ్ ఓ పోలిటికల్ డ్రామాతో ప్రేక్షకుల ముందుకు రానుండడం విశేషమనే చెప్పాలి. దాదాపుగా ఈ సినిమా షూటింగ్ పూర్తయిందని సమాచారం. కాజల్ హీరోయిన్‌గా నటిస్తోన్న ఈ చిత్రాన్ని డిసెంబర్ లేదా వచ్చే ఏడాది ఆరంభంలో విడుదల చేయాలని చూస్తున్నారు.