భాగమతి ఫ‌స్ట్ లుక్.. జ‌క్క‌న్న కామెంట్‌..!

బాహుబ‌లి చిత్రం త‌ర్వాత అనుష్క న‌టిస్తున్న తాజా చిత్రం భాగమ‌తి. పిల్ల జమీందార్ ఫేమ్ అశోక్ దర్శకత్వంలో యూవీ క్రియేషన్స్ ఈ చిత్రాన్ని నిర్మిస్తున్నారు. ఇక మంగ‌ళ‌వారం అనుష్క పుట్టిన రోజు సందర్భాంగా చిత్ర యూనిట్ చిత్ర ఫస్ట్ లుక్ ను రిలీజ్ చేసారు. ఈ లుక్‌లో ఒక చేతిలో రక్తం మరక అంటిన సుత్తిని పట్టుకొని ఉండగా, మరో చేయి గాయంతో రక్తమోడుతోంది. దీంతో భాగ‌మ‌తి ఫస్ట్ లుక్‌తోనే ప్రేక్ష‌కుల్లో అంచ‌నాలు పెంచేసింది.

ఇక ఈ లుక్ ఫై దర్శక ధీరుడు రాజమౌళి తన ట్విట్టర్ ద్వారా తన స్పందనను తెలియజేసారు. భాగమతి చిత్రం ఫస్ట్‌లుక్‌ అద్భుతంగా ఉందని.. స్వీటీ భాగ‌మ‌తి లుక్ అదిరిపోయింద‌ని చెప్పుకొచ్చాడు. ప్రస్తుతం ఈ చిత్ర పోస్ట్‌ ప్రొడక్షన్‌ పనులు జరుగుతున్నట్లు సమాచారం. వచ్చే ఏడాది ఈ చిత్రాన్ని ప్రేక్షకుల ముందుకు తీసుకురావడానికి సన్నాహాలు చేస్తున్నారు. భాగమతి తర్వాత అనుష్క తన కొత్త చిత్రాన్ని ప్రకటించలేదు.