నీకు నటన రాదు రాత్రికి ..రా..అనే వాడు హీరోయిన్ సంచలన వాఖ్యలు

హాలీవుడ్ నిర్మాత హార్వే వీన్ స్టెయిన్, హీరోయిన్స్ పై జరిపిన అకృత్యాలు, వేధింపుల వివరాలు ఒక్కొక్కటిగా బయటకు వస్తున్న వేళ, తమకు ఎదురైన ఇలాంటి అనుభవాల గురించి భారతీయ నటీమణులు కూడా ఒక్కొక్కరుగా బయటకు వస్తూ చిత్ర పరిశ్రమలోని కాస్టింగ్ కౌచ్‌పై ప్రపంచానికి తెలియజేస్తున్నారు. తాజా బాలీవుడ్ నటి దీనిపై స్పందించారు. వచ్చే ఏడాదిలో విడుదల కానున్న ‘వీరే దీ వెడ్డింగ్’ సినిమా హీరోయిన్ స్వర భాస్కర్, తనకు ఎదురైన లైంగిక వేధింపుల గురించి ‘ముంబై మిర్రర్’ పత్రికతో పంచుకుంటూ సంచలన విషయాలను వెల్లడించారు. లైంగిక వేధింపులు అనే మాట విశ్వవాప్తమైందని, ఇది అధికారం, శక్తి అనే పదాలతో ముడిపడి ఉందని వ్యాఖ్యానించారు.

స్వర భాస్కర్ విషయానికి వస్తే, ‘షూటింగ్‌లు జరిగే సెట్‌లో ఫ్యూడల్ భావాలుంటాయి. కొందరు ఆదేశిస్తుంటే మిగతావారంతా వాటిని వినాల్సిందే. లైంగిక వేధింపుల విషయమూ అంతే. ఫలానా చోటికి వెళ్లాలంటే వెళ్లాల్సిందే. ఈ విషయంలో బాధితులు నోరు మెదపకుండా ఉంటారన్న సంగతి అక్కడున్న అందరికీ తెలుసు. ఈవ్ టీజింగ్ సర్వసాధారణం. తన కెరీర్ తొలినాళ్లలో జరిగిన సంగతి గురించి ఆమె వివరిస్తూ… ఓ చిత్రం కోసం 56 రోజుల పాటు అవుట్ డోర్‌లో పనిచేయాల్సి వచ్చింది… ఈ వాతావరణమే నాకు కొత్త… ఆ చిత్ర దర్శకుడు డిన్నర్‌కు రావాలని నన్ను వేధిస్తూ, రోజంతా నటించడం లేదని తిడుతూ, రాత్రయ్యేసరికి రమ్మని పిలిచేవాడు. సీన్ గురించి మాట్లాడాలని చెప్పి ఫుల్లుగా మద్యం తాగి వచ్చేవాడని తెలియజేసింది.

షూటింగ్ మొదలైన వారం రోజుల్లోనే ప్రేమ, సెక్స్ గురించి మాట్లాడేవాడు. రాత్రయితే, నా గదికి వచ్చి కౌగిలించుకోవాలని అడిగేవాడని… దీంతో తాను చాలా భయపడ్డానని పేర్కొంది. ఒంటరిగా ఉండటంతో ఇంకా ఎక్కువగా భయపడుతుండేదాన్ని… గదిలో లైట్లన్నీ ఆర్పేసి, చీకట్లోనే మేకప్ తొలగించే దాన్ని, గదిలో లైట్లు లేకపోతే నిద్రపోతున్నానేమోనని అతడు రాకుండా ఉంటాడని అనుకునేదాన్ని అని వెల్లడించింది.

తాను మారిపోయినట్లు నటించి రెండు వారాల పాటు వెనక్కుతగ్గి, మళ్లీ వేధించడం మొదలుపెట్టాడు.. అతడికి సీరియస్‌ వార్నింగ్ ఇచ్చి, ఎగ్జిక్యూటివ్ ప్రొడ్యూసర్ కు ఫిర్యాదు చేయడంతో ఎస్కార్ట్ కల్పించారని, అప్పటితో ఆ బాధ కొంత తగ్గింది” అని చెప్పుకొచ్చింది. వేధింపులు ఎదురైతే, ఎదురు నిలిచి పోరాడాలని, ఎట్టి పరిస్థితుల్లోనూ వారి వలలో పడి లొంగవద్దని సలహా ఇచ్చింది. వారి డిమాండ్లకు అంగీకరించకపోవడంతో కొన్ని పాత్రలను కూడా వదులుకోవాల్సి వచ్చిందని తెలిపారు. మళయాల నటిపై లైంగిక వేధింపులకు పాల్పడటంతో ఆ చిత్ర పరిశ్రమ వెంటనే స్పందించింది. దీనిపై లైంగిక వేధింపుల వ్యతిరేక కమిటీని ఏర్పాటుచేసి, బాధితులకు న్యాయం జరిగేలా చర్యలు తీసుకుంటుందని స్వర భాస్కర పేర్కొన్నారు.