రంగస్థలం 1985 శాటిలైట్ రైట్స్.. రేటు తెలిస్తే షాకే..!

టాలీవుడ్ క్రియేటివ్ డైరెక్ట‌ర్ సుకుమార్.. మెగా ప‌వ‌ర్ స్టార్ రామ్ చ‌ర‌ణ్ కాంబి నేష‌న్‌లో తెర‌కెక్కుతున్న చిత్రం రంగస్థలం 1985. ఒక‌వైపు స్టైలిష్ మేక‌ర్ మ‌రోవైపు మాస్ ఇమేజ్ క్రియేట్ చేసుకున్న హీరో క‌ల‌యిక‌లో తోలి చిత్రం కావ‌డంతో ఈ చిత్రం పై భారీ అంచ‌నాలు నెల‌కొన్నాయి. అందుకు త‌గ్గ‌ట్టుగానే సుక్కు ఈ చిత్రాన్ని కాంప్ర‌మైజ్ కాకుండా చెక్కుతున్నాడు.

ఇక ఈ చిత్రం మెయిన్ థీమ్ విలేజ్ బ్యాక్డ్రాప్ అవడంతో అభిమానులు ఈ చిత్రాన్ని ఎప్పుడెప్పుడు చూద్దామా అనే ఆసక్తితో ఉన్నారు. దీంతో రంగ‌స్థ‌లం హక్కులకు భారీ డిమాండ్ ఏర్పడింది. ఇప్పటికే తెలుగు శాటిలైట్ హక్కులు, డిజిటల్ హక్కులు కలిపి దాదాపు రూ.20 కోట్లకు అమ్ముడవగా ఇప్పుడు హిందీ హక్కులు కూడా మంచి మొత్తానికే అమ్ముడైనట్టు తెలుస్తుంది.

ప్రముఖ హిందీ ఎంటర్టైన్మెంట్ ఛానెల్ ఒకటి 10.50 కోట్లకు ఈ హక్కుల్ని కొనుగోలుచేసిందని తెలుస్తోంది. చెర్రి..సుక్కు కాంబో మూవీ కావ‌డం.. బాహుబలి తర్వాత తెలుగు సినిమాలకు హిందీలో కూడా ఆదరణ పెదగడంతో ఇంత పెద్ద మొత్తానికి హక్కులు అమ్ముడయ్యాయి. 2019 వేసవికి రానున్న ఈ చిత్రంలో చెర్రి స‌ర‌స‌న స‌మంత న‌టిస్తోండ‌గా.. మైత్రి మూవీ మేకర్స్ నిర్మిస్తోంది. ఇక ఈ చిత్రానికి దేవి శ్రీ ప్ర‌సాద్ ఈ చిత్రానికి స్వ‌రాలు స‌మ‌కూరుస్తున్నారు.