ఇదేం న్యాయం జ‌క్క‌న్న?

బాహుబ‌లి మూవీ ద‌ర్శ‌క ధీరుడు ఎస్ ఎస్ రాజ‌మౌళి రేంజ్‌ను ఎక్క‌డికో తీసుకెళ్లింది. ఆయ‌న మాట‌కు విలువ కూడా అమాంతం పెరిగిపోయింది. రాజ‌మౌళి ఏద‌న్నా సినిమా గురించి బాగుంద‌ని ఒక్క మాట అంటే చాలు.. అది త‌మ సినిమాకు బ్ర‌హ్మాండ‌మైన ప్ర‌మోష‌న్‌గా ద‌ర్శ‌క నిర్మాత‌ల‌తోపాటు హీరోలు ఫీల‌వుతుంటారు. రాజ‌మౌళి కూడా వీలైనంత వ‌ర‌కు కొత్త సినిమాలు థియేట‌ర్‌లో చూసిన త‌రువాత త‌న ఒపీనియ‌న్ సింపుల్‌గానే చెబుతుంటారు. తాజాగా, సీనియ‌ర్ హీరో రాజ‌శేఖ‌ర్ హీరోగా విడుద‌లైన చిత్రం పీఎస్‌వీ గ‌రుడ‌వేగ 126.18ఎం మూవీ పాజిటివ్ టాక్ తెచ్చుకుంది.

గుంటూరు టాకీస్ ఫేం ప్ర‌వీణ్ స‌త్తార్ డైరెక్ట‌ర్ చేసిన యాక్ష‌న్ అండ్ ఇన్వెస్టిగేష‌న్ జోన‌ర్‌లో ఈ మూవీ తెర‌కెక్కింది. ఈ మూవీ అంత‌టా పాజిటివ్ బ‌జ్ వ‌చ్చినందున గ‌రుడ‌వేగ టీమ్‌కు జ‌క్క‌న్న సోష‌ల్ మీడియా ద్వారా అభినంద‌న‌లు తెలిపారు. ఈ సినిమాకు సండేకు టికెట్లు బుక్ చేసుకున్నానంటూ ట్విట్ట‌ర్లో అప్‌డేట్ కూడా పెట్టారు. దీనికి హీరో రాజ‌శేఖ‌ర్ తెగ ఆనంద‌ప‌డిపోయి థ్యాంక్స్ కూడా చెప్పారు.

దాదాపుగా ప్ర‌తీ సినిమాకు రాజ‌మౌళి త‌నదైన రివ్యూ ఇస్తూనే ఉంటాడు. ఇంత వ‌ర‌కు బాగానే ఉంది కానీ.. యంగ్ టైగ‌ర్ ఎన్టీఆర్ సినిమాకు సాయి కొర్ర‌పాటి ప్రొడ్యూస‌ర్‌గా చేసిన సినిమాల‌కు మొద‌టి రోజే రివ్యూ ఇచ్చేస్తున్నాడు. మిగ‌తా వాళ్లంద‌రికీ రెండు రోజులు ఆగి చెబుతాన‌న‌డం ఎంత వ‌ర‌కు న్యాయం. వీకెండ్ అయిపోయాక రివ్యూ ఇవ్వ‌డం వ‌ల్ల ఎంత వ‌ర‌కు ప్ర‌యోజ‌నం ఉంటుంది. ఇదేం న్యాయం జ‌క్క‌న్న

కాగా,

సక్సెస్ టాక్‌తో దూసుకుపోతున్న పీఎస్వీ గరుడ వేగ యూనిట్ సభ్యులకు ఎస్ఎస్ రాజమౌళి అభినందనలు చెబుతూ.. కంగ్రాట్యులేషన్ టీమ్ పీఎస్వీ గరుడ వేగ. ఈ చిత్రానికి ప్రేక్షకుల నుంచి అనూహ్య స్పందన వస్తుంది అని తెలుసుకొన్నాను. ఆదివారం రోజు సినిమా చూడటానికి టికెట్స్ బుక్ చేసుకొన్నాను అని ట్వీట్ చేశారు.