ఛార్మీ ఏరియాకి షిఫ్ట్ అవుతున్న పూరీ జ‌గ‌న్నాథ్‌..!

డాషింగ్ డైరెక్ట‌ర్ పూరీ జ‌గ‌న్నాథ్ వ‌రుస ప్లాపుల‌తో దూసుకుపోతున్నాడు. పూరీ ద‌ర్శ‌క‌త్వంలో సినిమాలు చేయ‌డానికి టాప్ హీరోలంద‌రూ మొహం చాటుతున్నారు. దీంతో త‌న కుమారుడు ఆకాష్ హీరోగా ఒక ల‌వ్ స్టోరీని స్టార్ట్ చేశాడు పూరీ. మెహ‌బూబా పేరుతో ఓ స‌రిహ‌ద్దు ప్రేమ‌క‌థ‌ను సెల‌క్ట్ చేసుకున్నాడు. హిమాచల్ ప్రదేశ్‌లో ప్రారంభమైన ఈ సినిమా రెగ్యులర్ షూటింగ్ జరుపుకుంది.

అయితే తాజాగా హిమాచల్ ప్రదేశ్‌లో భారీ షెడ్యూల్ పూర్తిచేసిన యూనిట్.. ఇప్పుడు పంజాబ్‌కు షిఫ్ట్ అయింది. ఈ సినిమాకి ఒక నిర్మాతగా వ్యవహరిస్తున్న ఛార్మీది కూడా పంజాబ్ కావడం విశేషం. ఇండియా – పాకిస్థాన్ నేప‌థ్యంలో సాగే ప్రేమ‌క‌థ ఇది. 1971లో ఇండో – పాక్ వార్ జ‌రిగింది. అప్పుడు న‌డిచిన ఓ ప్రేమ‌క‌థ ఇది. పిరియాడిల్ సినిమా చేయ‌డం పూరికి ఇదే తొలిసారి. మరి ఈ సినిమాపూరికి ఎలాంటి రిజల్ట్ ని ఇస్తుందో చూడాలి.