టాలీవుడ్ ట్రేడ్‌ టాక్‌..!

నేను శైల‌జ కాంబినేషన్‌లో వ‌చ్చిన ఉన్న‌ది ఒక‌టే జింద‌గీ ప‌రాజ‌య బాట‌లో ప‌య‌నిస్తోంది. గ‌త శుక్ర‌వారం రిలీజ్ అయిన ఈ చిత్రం మూడు రోజులు
మంచి క‌లెక్ష‌న్లు సాధించినా.. ఇక సోమ‌వారానికి ఈ చిత్ర క‌లెక్ష‌న్లు బాగా డ్రాప్ అయ్యాయి. యూత్ ఫుల్ ఎంట‌ర్ టైన‌ర్‌గా విడుద‌ల అయిన ఈ చిత్రం హ్యాపీడేస్‌ మాదిరిగా యువతరాన్ని ఉర్రూతలూగిస్తోంద‌ని అంచనా వేసిన ఈ చిత్రానికి ఫ‌స్ట్ డేనే మిశ్రమ స్పందన వచ్చింది.

నేను శైలజ చిత్రంలో వినోదాన్ని, భావోద్వేగాలని అందంగా మిళితం చేసిన కిషోర్‌ తిరుమల ఈ చిత్రానికి వచ్చేసరికి చేతులెత్తేసాడు. ఒక పాత తరహా సినిమాని తయారు చేసి ఆకట్టుకోని ఎమోషన్లతో విసిగించాడు. దీంతో ఈ చిత్రంపై ఆసక్తి వున్నప్పటికీ టాక్‌ బాలేకపోవడంతో వసూళ్లు రావడం లేదు. మరోవైపు రాజా ది గ్రేట్‌ చిత్రం దిల్‌ రాజు డిస్ట్రిబ్యూట్‌ చేసిన ఏరియాల్లో మాత్రమే భారీ షేర్లు రాబట్టుకుని, మిగతా చోట్ల బ్రేక్‌ ఈవెన్‌ కోసం తంటాలు పడుతోంది.

దీంతో మూడోవారంలో మూడు కొత్త సీన్లు యాడ్‌ చేసామంటూ కొత్త ట్రిక్‌కి పాల్పడుతున్నారు. రాజుగారి గది 2 నష్టాలతోనే సరిపెట్టుకుంది. సెప్టెంబర్‌ నుంచి మహానుభావుడు తప్ప క్లీన్‌ హిట్‌ అనిపించుకున్న మరో సినిమా లేకపోవడంతో మార్కెట్‌ కాస్త డల్‌గానే వుంది. ఇక ఈ శుక్ర‌వారం నాలుగు అయిదు చిత్రాలు విడుద‌ల అవుతుండ‌గా.. గ‌రుడ‌వేగ పై మంచి ఎక్స్‌ప‌ర్‌టేష‌న్స్ ఉన్నాయి.