సంవత్సరానికి 365 కాదంట… 500 రోజులంట….. రకుల్ ప్రీత్ సింగ్

దేశంలో ఏ పాఠశాలకు వెళ్ళే చిన్న పిల్లాడిని అడిగినా చెబుతాడు సంవత్సరానికి ఎన్ని రోజులని. సంవత్సరానికి 365 రోజులు మాత్రమేనన్నది అందరికీ తెలిసిందే. కానీ హీరోయిన్ రకుల్ ప్రీత్ సింగ్ దగ్గరకు వెళ్ళి సంవత్సరానికి 365 రోజులంటే మాత్రం అస్సలు ఒప్పుకోదట. సంవత్సరానికి 500 రోజులన్న విషయం మీకు తెలుసా. తెలుసుకోండి అంటూ పురాణం చెప్పడం ప్రారంభిస్తుందట.

ఆ పురాణం ఏంటంటే, చిన్నతనం నుంచి తన ఇంటిలో క్రమశిక్షణ ఎక్కువగా ఉండేదని, ప్రతి సంవత్సరం ఏదో ఒకటి నేర్చుకోవాలని తల్లిదండ్రులు చెప్పేవారని, ఒక సంవత్సరం సంగీతం, మరో సంవత్సరం ఇంకో రంగంలో ఇలా ఒక్కటి కాదు. అందుకే ఎప్పుడూ బిజీగా ఉండేదాన్ని. ఖాళీ అంటే తెలియదు. నువ్వు చేసేది చూస్తుంటే సంవత్సరానికి 500 రోజుల్లా అనిపిస్తోందని స్నేహితులు ఆటపట్టించేవారు.

అందుకే అప్పటి నుంచి ఫిక్సయిందట. సంవత్సరానికి 365 కాదు 500 రోజులని చెబుతోందట రకుల్ ప్రీత్ సింగ్. చిన్నప్పటి నుంచి ఇప్పటివరకు కూడా తాను క్రమశిక్షణగానే పెరుగుతున్నానని చెబుతోంది రకుల్ ప్రీత్ సింగ్.