Dharuvu No:1 Telugu Political web site in telugu states
కోడంగల్ నియోజకవర్గ టీడీపీ మాజీ ఎమ్మెల్యే అనుముల రేవంత్ రెడ్డి తో సహా పలువురు ముఖ్య నాయకులు ఇవాళ కాంగ్రెస్ పార్టీలో చేరారు. ఢిల్లీలో కాంగ్రెస్ ఉపాధ్యక్షుడు రాహుల్‌గాంధీ.. వీరికి కాంగ్రెస్ కండువాలు కప్పి, పార్టీలోకి ఆహ్వానించారు.కాంగ్రెస్ ఉపాధ్యక్షుడి నివాసం నుంచి బయటికి వచ్చిన అనంతరం టీపీసీసీ చీఫ్‌ ఉత్తమ్‌ మీడియాతో మాట్లాడుతూ ..‘‘ కాంగ్రస్‌ పార్టీకి పునర్‌వైభవం వస్తున్నందుకు సంతోషంగా ఉంది. మీ అందరూ ఇప్పుడు కాంగ్రెస్ కుటుంబంలో సభ్యులయ్యారు. పదవుల విషయంలో సాధ్యమైనంత మేరలో అందరికీ న్యాయం చేస్తా..’’ అని రాహుల్ గాంధీ అన్నట్లు ఉత్తమ్‌ కుమార్ రెడ్డి మీడియా కు వివరించారు. కాంగ్రెస్ పార్టీలో చేరిన అనంతరం మీడియా ముందుకొచ్చిన రేవంత్ రెడ్డి మాట్లాడకుండానే వెళ్లిపోయారు. మధ్యాహ్నం 3గంటలకు ఏఐసీసీ కార్యాలయంలో పత్రికా సమావేశం ఉంటుందని, అక్కడ అన్ని విషయాలపైనా స్పందిస్థానంటు అక్కడి వెళ్ళిపోయారు . రేవంత్ చేరిక కార్యక్రమంలో తెలంగాణ కాంగ్రెస్ వ్యవహారాల ఇన్‌చార్జి ఆర్‌సీ కుంతియా, టీపీసీసీ చీఫ్‌ ఉత్తమ్‌ కుమార్‌రెడ్డి, నేతలు వి.హన్మంతరావు, గీతారెడ్డి, గండ్ర వెంకటరమణారెడ్డి, కుసుమ కుమారి, మల్లు రవి, చెన్నారెడ్డి, మధుయాష్కిగౌడ్‌, కుసుమ కుమారి తదితరులు కూడా చేరిక సమావేశంలో పాల్గొన్నారు.
టీడీపీ నుంచి రాహుల్ గాంధీ సమక్షంలో కాంగ్రెస్ లో చేరిన వారు వీరే..
రేవంత్ రెడ్డి, సీతక్క, బోడ జనార్థన్‌, వేం నరేందర్‌రెడ్డి, అరికెలనర్సారెడ్డి, సోయం బాపురావు, కవ్వంపల్లి సత్యనారాయణ, సత్యం, జంగయ్య, హరిప్రియా నాయక్‌, బిల్యా నాయక్‌, శశికళ, రాజారాం యాదవ్‌, పటేల్‌ సుధాకర్‌రెడ్డి, రమేశ్‌, విజయరమణా రావులు, టీఆర్‌ఎస్‌ పార్టీ నుంచి దొమ్మాటి, విద్యార్థి, యువజన ఉద్యమనాయకులు దరువు ఎల్లన్న, బాలలక్ష్మి, మధుసూదన్‌లు కాంగ్రెస్‌లో చేరారు .
