కాజ‌ల్ ”నో”… త‌మ‌న్నా ”ఎస్” – ఇంత‌కీ ఎవ‌రితో..!

యంగ్ హీరో శర్వానంద్ సెలెక్టెడ్ గా సినిమాలు చేస్తూ తనకంటూ ఓ ప్రత్యేక శైలిని అలవర్చుకున్నాడు. స్టార్ హీరోల సినిమాలు థియేటర్ లో ఉన్నా కూడా ధైర్యం చేసి మూవీని రిలీజ్ చేయడమే కాకుండా మంచి కలెక్షన్లు సైతం కొల్లగొడుతున్నాడు. మీడియం రేంజి హీరోలో టాప్ లీగ్ లో ఉన్న శర్వానంద్‌కు సంబంధించిన లేటెస్ట్ అప్‌డేట్ ఒక‌టి బ‌య‌టకు వ‌చ్చింది.

అయితే, తాజా స‌మాచారం మేర‌కు సుధీర్ వ‌ర్మ డైరెక్ష‌న్‌లో యంగ్‌ హీరో శ‌ర్వానంద్ కాంబినేష‌న్‌లో తెర‌కెక్కుతున్న చిత్రానికి హీరోయిన్ దొర‌క‌డం లేదంట. కాగా, అంతేగాక ఈ సినిమాలో హీరో శ‌ర్వానంద్ డ్యూయ‌ల్ రోల్ పోషిస్తున్నాడు. ఒకటి యువకుడి పాత్ర కాగా.. ఇంకోటి మధ్యవయస్కుడి పాత్ర. ఇందులో మిడిల్ ఏజ్ క్యారెక్టర్ కు హీరోయిన్‌ను అన్వేషిస్తున్నారు.

ఈ పాత్రకు టాలీవుడ్ చందమామ కాజల్ ను తీసుకోవాలని భావించి ఆమెను సంప్రదిస్తే సింపుల్ గా నో చెప్పేసిందట. భారీ మొత్తం రెమ్యునరేషన్ ఇస్తామన్నా ఆ రోల్ చేయడానికి ఇష్టపడలేదుట. దీంతో ఈ అవకాశం మిల్కీ బ్యూటీ తమన్నాను వరించింది. ఇంకా దీనిపై తమన్నా నుంచి ఇంకా నిర్ణయం రాలేదు. ఈ మూవీలో ఇంకో హీరోయిన్ ను కూడా తీసుకోవాల్సి ఉంది. ఈ పాత్రకు ఎవరిని తీసుకోవాలనే దానిపైనా ఇంకా చిత్ర యూనిట్ క్లారిటీకి రాలేదు.