అనసూయ జర్నలిస్ట్ గా సైన్

నటుడు మంచు మోహన్ బాబు ప్రస్తుతం గాయత్రి అనే సినిమా షూటింగ్‌లో బిజీగా వున్న సంగతి తెలిసిందే. మదన్ డైరెక్ట్ చేస్తోన్న ఈ సినిమాలో హీరో మంచు విష్ణు కూడా నటిస్తున్నాడు. తాజాగా అందిన సమచారం ప్రకారం ఈ సినిమాలో జబర్ధస్ యాంకర్ అనసూయ ఓ ప్రధాన పాత్ర పోషిస్తోందని తెలుస్తోంది. ఇప్పటికే క్షణం, సోగ్గాడే చిన్నినాయన, విన్నర్ లాంటి సినిమాల్లో తళుక్కుమన్న అనసూయ ఇటీవలే ‘సచ్చిందిగా గొర్రె’ అనే హారర్ కామెడీ సినిమాకు సైన్ చేసింది. ఇదిలావుండగా తాజాగా మోహన్ బాబు, మంచు విష్ణు నటిస్తున్న గాయత్రి సినిమాలో అనసూయ ఓ జర్నలిస్ట్ పాత్రకు సైన్ చేసినట్టు సమాచారం.

ఈ సినిమాలో విష్ణు సరసన నిఖిలా విమల్ జంటగా నటిస్తోంది. త్వరలోనే ఈ సినిమాకు సంబంధించిన మరిన్ని వివరాలు అధికారికంగా వెల్లడయ్యే అవకాశం వుంది.