నంద్యాల డీఎస్పీగా పనిచేసిన హరినాథ్‌రెడ్డికి 15 కోట్ల అక్రమాస్తులు

ఏపీలో మరో అవీనితి ఖాకి బండారం బట్టబయలైంది. సీఐడీ విభాగంలో డీఎస్పీగా పనిచేస్తున్న హరినాథ్‌రెడ్డికి 15 కోట్ల అక్రమాస్తులు ఉన్నట్లు అవినీతి నిరోదక శాఖ అధికారులు ప్రాథమికంగా గుర్తించారు. శనివారం ఉదయం మొత్తం 9 చోట్ల ఏకకాలంలో ఏసీబీ అధికారులు సోదాలు నిర్వహించారు. ఈ సందర్బంగా కర్నూలులో 2 భవనాలు, కడపలో ఒక భవనం, కర్నూల్ జిల్లా తుగ్గలిలో 10 ఎకరాల భూమి ఉన్నట్లు ఏసీబీ అదికారులు గుర్తించారు అంతేగాక ఇదే మండలంలోని పగిడిరాయి గ్రామంలోని తన బంధువుల ఇంట్లో 7 లక్షలు స్వాధినం చేసుకున్నారు.. ఇంకా కర్నూలు, కడప, తుగ్గలి, డబూరువారిపల్లి, బెంగళూరులో సోదాలు జరుగుతున్నాయి. ఈ సోదాలు పూర్తయితేగాని ఆయన అక్రమాస్తుల వివరాలను అధికారులు వెల్లడించే అవకాశం ఉంది. ఇదిలా ఉండగా హరినాథ్‌రెడ్డి గతంలో కర్నూలు జిల్లా నంద్యాలలో డీఎస్పీగా పనిచేశారు.