గోల్డెన్ టెంపుల్ తరహాలో చార్మినార్‌..కేసీఆర్ ఆదేశం..!

భారతదేశంలోనే చార్మినార్‌కు ప్రత్యేక గుర్తింపు ఉందని ముఖ్యమంత్రి కేసీఆర్ అన్నారు . చార్మినార్ వద్ద పర్యాటకులను ఆకర్షించేలా అన్ని రకాల ఏర్పాట్లు ఉండాలి, పరిసర ప్రాంతాల్లో పార్కింగ్ ఏర్పాట్లు చేయాలని సీఎం కేసీఆర్ అధికారులకు సూచించారు. అమృత్‌సర్‌లోని గోల్డెన్ టెంపుల్ తరహాలో చార్మినార్‌ను అభివృద్ధి చేయాలని, సుందరంగా తీర్చిదిద్దాలని సీఎం కేసీఆర్ ఆదేశించారు. 42 కిలోమీటర్ల మూసీ పరివాహక ప్రాంతం సబర్మతి నది ఫ్రంట్ తరహా అభివృద్ధి చేస్తామన్నారు సీఎం. మూసీ నది వెంట మెట్రో నానో రైలు నడపడానికి ఏర్పాట్లు చేయాలన్నారు. మూసీ రివర్ ఫ్రంట్ అభివృద్ధి పనుల పర్యవేక్షణకు ప్రత్యేక అధికారిని నియమించాలని సీఎం కేసీఆర్ ఆదేశించారు.