రేపు వరంగల్ జిల్లాలో సీఎం కేసీఆర్ పర్యటన షెడ్యూల్

రేపు వరంగల్ రూరల్ జిల్లాలో సీఎం కేసీఆర్ పర్యటించనున్నారు. రేపు మ.2.20 గంటలకు ప్రగతి భవన్ నుంచి సీఎం బయలుదేరనున్నారు. మ.2.25 గంటలకు బేగంపేట విమానాశ్రయం చేరుకుంటారు. మ.2.30 గంటలకు హెలికాప్టర్‌లో వరంగల్ రూరల్ జిల్లాకు బయలుదేరుతారు. మ.3.30 గంటలకు గీసుకొండ మండలం శాయంపేట గ్రామానికి సీఎం కేసీఆర్ చేరుకుంటారు. అనంతరం కాజిపేట్ ఆర్వోబీకి సీఎం శంకుస్థాపన చేస్తారు.

తర్వాత ఔటర్ రింగ్ రోడ్ నిర్మాణానికి భూమి పూజ నిర్వహిస్తారు. ఆ తర్వాత.. మడికొండ ఐటీ ఇంక్యుబేషన్ సెంటర్ ఫేజ్2 కు శంకుస్థాపన చేస్తారు. అనంతరం కాకతీయ మెగా టెక్స్‌టైల్ పార్క్ నిర్మాణానికి సీఎం భూమి పూజ నిర్వహిస్తారు. తర్వాత మ.3.45 గంటలకు శాయంపేటలో జరిగే బహిరంగ సభకు హాజరుకానున్నారు. సాయంత్రం 4.55 గంటలకు కాకతీయ మెగా టెక్స్‌టైల్ పార్క్ ప్రాంగణం నుంచి హెలికాప్టర్‌లో హైదరాబాద్‌కు తిరుగు ప్రయాణం అవుతారు. సా.5.55 గంటలకు బేగంపేట్ ఎయిర్‌పోర్టకు సీఎం చేరుకుంటారు. సా.6 గంటలకు బేగంపేట్ ఎయిర్‌పోర్టు నుంచి ప్రగతి భవన్‌కు బయలుదేరుతారు. సా.6.05 గంటలకు ప్రగతి భవన్‌కు చేరుకుంటారు.