అర్జున్ రెడ్డి ఫేమ్‌ను క్యాష్ చేసుకునేనా..?

పెళ్లి చూపులు, అర్జున్‌రెడ్డి చిత్రాలతో సంచ‌ల‌న విజ‌యాలు అందుకున్న విజయ్‌ దేవరకొండ.. మరో ప్రేమకథా చిత్రంతో ప్రేక్షకుల ముందుకు రాబోతున్నారు. ఆయన కథానాయకుడిగా నటిస్తున్న చిత్రం ఏ మంత్రం వేసావె. గోలిసోడా ప్రొడక్షన్స్‌ బ్యానర్‌పై ఈ చిత్రాన్ని నిర్మిస్తున్నారు. ఈ చిత్రానికి శ్రీధర్‌ మర్రి దర్శకత్వం వహిస్తున్నారు. దీపావళి సందర్భంగా చిత్ర బృందం ఫస్ట్‌లుక్‌ పోస్టర్‌ను విడుదల చేసింది.

ఇక ఫస్ట్‌లుక్‌లో విజయ్‌ పడుకుని దీనంగా ఆలోచించడం సినిమాపై ఆసక్తిని పెంచుతోంది. ఇదొక ఫెయిల్యూర్ లవ్ స్టోరీ ని తలపిస్తుంది అంటున్నారు. అంతే కాకుండా అర్జున్ రెడ్డి సినిమాలోని పాత్రకు ఈ సినిమాలోని పాత్రకు చాలా తేడా కనిపిస్తుందంటున్నారు. మరి అర్జున్ రెడ్డి ఫెమ్‌ని విజయ్ ఈ సినిమాతో ఎలా క్యాష్ చేసుకుంటాడో చూడాలని విశ్లేషకులు అభిప్రాయ ప‌డుతున్నారు.