మరోసారి త‌న శాడిజంతో చింపేశాడ‌ట‌..!

ఖుషీ సినిమాతో తెలుగు ప్రేక్ష‌కులకు సుప‌రిచితుడు అయిన‌ డైరెక్ట‌ర్ ఎస్ జె సూర్య.. స్పైడర్’తో తనలోని కొత్త యాంగిల్ చూపించాడు. మహేష్ బాబు స్పైడర్ సినిమాకు ఎలాంటి రిజల్టు వచ్చినా కూడా.. ఆ సినిమా నుండి అన్ని విధాలుగా ప్లస్ పాయింట్లు తెచ్చుకుంది ఎవరూ అంటే ఎస్ జె సూర్య అనే చెప్పాలి. ఎందుకంటే ఆ సినిమాలో శాడిస్ట్ విలన్‌గా ఇతగాడి పెర్ఫామెన్స్ అదిరింది. ముఖ్యంగా మనోడు జనాలు ఏడవకపోతే తట్టుకోలేని ఆ పాత్రలో ఒదిగిపోయాడు.

ఒక్కసారిగా ఇంత శాడిజం ఏంట్రా బాబోయ్ అంటూ సెకండాఫ్ అంతా ఆడియన్స్ షాకైపోయారు. ఇప్పుడు మరోసారి అలాంటి పెర్ఫామెన్సే చేశాడు ఈ డైరక్టర్. అయితే ఇప్పుడు మ‌రోసారి విజయ్ మెర్సాల్ సినిమాలో విలన్ గా కనిపించాడు. డ్యానీ అనే పాత్రలో పిచ్చెత్తించాడు. కాస్త శాడిజం కాస్త హీరోయిజం తరహాలో ఉండే ఈ విలన్ పాత్రతో.. తమిళ ఇండస్ర్టీకి ఇప్పుడు కొత్త విలన్ అయిపోయాడు. త్వరలోనే రానున్న సెల్వరాఘవన్ సినిమాలో కూడా మనోడు విలన్ గా చేస్తున్నాడు. ఆ తరువాత మరో రెండు క్రేజీ ప్రాజెక్టులు కూడా ఒప్పుకున్నాడట. మరి తెలుగులో కూడా ఎవరన్నా ఇతన్ని డైరక్టు తెలుగు సినిమాకు విలన్ గా తీసుకుంటారేమో చూడాలి.